Luka 9:51 - Bibliya Yera 1951 1967 (Burundi)

⁵¹ Maz’ imisi yiwe yo kudūzwa mw ijuru igira ishike, yerekeza i Yerusalemu amaramaje kujayo,

Bibiliya mu Kirundi coroshe

⁵¹ Igihe ciwe co kuduzwa mw’ijuru cegereje, Yesu afata ingingo yo kuja i Yerusalemu.

Luka 9:51 Referans Kwoze

Mariko 16:19

Kand’ Umwami Yesu ahejeje kubibabarira, adūzwa mw ijuru, avyagira i buryo bg’Imana.

Luka 18:31

Yihererana bamwe cumi na babiri, arababgira, at’ Ehe turadūze i Yerusalemu, kand’ ivyanditswe n’abāvugishwa n’Imana vyose bizoshika ku Mwana w’umuntu.

Luka 13:22

Ari mu nzira, ahita mu bisagara no mu mihana, yigisha, ari ku rugendo aja i Yerusalemu.

Luka 17:11

Maze bari mu nzira baja i Yerusalemu, aca hagati y’i Samariya n’i Galilaya.

1 Petero 3:22

ar’i buryo bg’Imana, kuko yagiye mw ijuru, amaze guhabga gutwara abamarayika n’abanyabubasha n’abanyabushobozi.

Abaheburayo 12:2

dutumbereye Yesu wenyene, ni we nyanduruko yo kwizera kandi ni we yagusozereye; uwo, kubg’ umunezero yashizwe imbere, yihanganiye umusaraba, ntiyagira ikindi isoni zawo, avyagira i buryo bg’intebe y’Imana.

Abaheburayo 6:20

aho Yesu yatwinjiriye, atwitangiye imbere, amaze guhinduka umuherezi mukuru w’ibihe bidashira mu buryo bga Melekisedeki.

1 Timoteyo 3:16

Nta wuhakana yukw ibanga ryo kwubaha Imana ridahambaye cane, n’iri: umwe yerekanywe afise umubiri, akaboneka kw ar’ umugororotsi mu mpwemu, akabonwa n’abamarayika, akamenyekanishwa mu banyamahanga, akizererwa mw isi, akadūzwa agahabga ubgiza.

Abanyefeso 1:20

ukwo yakoreye muri Kristo, hamwe yamuzura mu bapfuye, ikamuvyagiza i buryo bgayo ahantu ho mw ijuru,

Ivyakozwe 1:9

Amaze kuvuga artyo, adūzwa babona, igicu kimukūra mu maso yabo.

Ivyakozwe 1:2

gushitsa ku musi yadūgijwe mw ijuru, ahejeje kugerera intumwa muri Mpwemu Yera, zimwe yatoranije.

Yohana 17:11

Sinkiri mw isi, ariko bo bari mw isi, nanje ndaje kuri wewe. Data wera, ubazigamire mw izina ryawe wampaye, ngo babe umwe nk’uko natwe turi.

Yohana 16:28

Navuye kwa Data, nza mw isi; ikindi, isi ndiko ndayivamwo, nje kwa Data.

Yohana 16:5

None ngira ngende ku wantumye, kandi nta n’umwe muri mwebge arushe ambaza at’ Uja hehe?

Yohana 13:1

Umusi wa Pasika utarashika, Yesu amenye kw igihe ciwe gishitse co kuva mw isi ngw aje kwa Se, uko yakunda abiwe bari mw isi, ni ko yabakunze gushitsa ku muhero.

Yohana 6:62

None bizomera bite ni mwabona Umwana w’umuntu adūga aja iyo yahora ubga mbere?

Luka 24:51

Akibahezagira, atandukanywa na bo, adūzwa mw ijuru.

Luka 19:28

Yesu ahejeje kuvuga ivyo, aja imbere, adūga aja i Yerusalemu.

Luka 19:11

Bakiriko barumva ivyo, avyongerak’ umugani, kuko yari hafi y’i Yerusalemu, kandi kuko biyumvira yuk’ ubgami bg’Imana bugira buboneke uwo mwanya;

Luka 12:50

Ndi n’umubatizo, uwo nkwiye kubatizwa; emwe uko mbabazwa kugeza ah’ uzoherera!

2 Abami 2:11

Hanyuma bakiriko baragenda bayāga, bagize bartya, umukogote w’umuriro n’amafarasi y’umuriro birabatandukanya; Eliya adūganwa mw ijuru n’agashururu.

Filipi 3:14

mbandaniriza gushika aho dutanguranirwa, ku mpēra y’umuhamagaro w’Imana muri Kristo Yesu wo kuja mw ijuru.

Luka 9:57

Bariko baragenda mu nzira, umuntu aramubgira, ati Ndagukurikira ah’ uja hose.