Luka 6:1 - Bibliya Yera 1951 1967 (Burundi)

¹ Kw isabato agenda aca mu mirima y’ingano; abigishwa biwe bamyoza ingano, barazihekenya, bazivunze mu minwe.

Bibiliya mu Kirundi coroshe

¹ Umusi umwe, Yesu yaciye mu mirima y’ingano, kandi hari kw’Isabato. Abigishwa biwe baca batangura guca imitwe y’ingano zeze, barazivungura, bakuramwo intete, barazirya.

Luka 6:1 Referans Kwoze

Gusubira mu Vyagezwe 23:25

Kandi ni hagira ūca mu mahonda y’uwundi, ashobora kumyoza utwo ahekenya, ariko ntashobora gushira umuhoro muri yo.

Abalewi 23:7

Ku musi w’intangamarāra wayo muze mukoranywe no kuba ikoraniro ryera: ntihaze hagire igikorwa kiruhisha muwukorako.

Kuvayo 12:15

Muze mumare imisi ndwi murya imitsima itambiwe; ku musi w’intangamarāra muze mukūre umwambiro n’icambiwe cose mu mazu yanyu; kuk’ umuntu azorya ku mutsima wambiwe, uhereye ku musi w’ intangamarāra ugashitsa ku musi ugira indwi, uwo muntu az’ acibge mu Bisirayeli.

Gusubira mu Vyagezwe 16:9

Muze muharūre amasabato ndwi; muyaharūre muhereye igihe mutanguriye guha amahonda umuhoro.

Abalewi 23:15

Kandi muze muharūre imisi, muhereye kur’ uwo musi nyene ukurikira isabato, ari wo musi mwazaniyeko umukama w’ishikanwa ryo kuzunguzwa, habe amasabato ndwi yiramvuriye.

Luka 5:39

Kandi nta muntu yanyoye vino ihiye yogomba umutobe: kukw avuga, at’ Īhiye ni yo nziza.

Luka 6:6

Ku yindi sabato yinjira mw isinagogi, arigisha: kandi hār’ umuntu anyunyutse ukuboko kw’i buryo.