Luka 4:22 - Bibliya Yera 1951 1967 (Burundi)

²² Bose baramushima, batangazwa n’amajambo y’igikundiro avuye mu kanwa kiwe, bati Mbeg’ uyu si we mwene Yosefu?

Bibiliya mu Kirundi coroshe

²² Bose baramushima, batangazwa n’amajambo arimwo ubuntu bw’Imana yava mu kanwa kiwe, babazanya bati: “Mbega uwu si wa muhungu wa Yosefu?”

Luka 4:22 Referans Kwoze

Yohana 6:42

Bat’ Uyu si we Yesu mwene Yosefu? Na se na nyina turabazi: non’ avuga ate ngo Namanutse mva mw ijuru?

Zaburi 45:2

Uri n’ubgiza buruta ubg’ abana b’abantu; Igikundiro gisutswe mu minwa yawe: Ni co gitumye Imana iguha umugisha w’ibihe bidashira.

Imigani 16:21

Uw’ ubgenge mu mutima azokwitwa umukerebutsi, Kandi n’iminwa ivuga ibiryoshe yungura ubgenge.

Tito 2:8

ugire n’ijambo rizima ritogawa, kugira ng’ umuntu ari mu ruhande rw’abansi amāramāre, abuze ikibi yotuvuga.

Ivyakozwe 6:10

ariko ntibashobora gutsinda ubgenge na Mpwemu bimuvugisha.

Yohana 7:46

Abagendanyi barabishura, bat’ Erega ntihigeze kuboneka umuntu avuga nka we.

Luka 21:15

kukw ari jewe nzobaha ururimi n’ubgenge, ivyo ababarwanya bose batazoshobora gutsinda canke gutururuza.

Yesaya 50:4

Umwami Uhoraho ampaye ururimi rw’abigishwa, kugira ngo mmenye uko nosindagirisha ūrushe amajambo; ankangura uko bukeye, akangurira ugutwi kwanje kwumva, nk’ukw abigishwa bumviriza.

Indirimbo ya Salomo 5:16

Akanwa kiwe kavamw’ amajambo aryoshe: mbere wese n’uw’ igikundiro. Uwo ni we mukunzi wanje, ni we mugenzi wanje, Yemwe bakobga b’i Yerusalemu.

Imigani 25:11

Ijambo rivuzwe mu buryo bubereye Ni nk’amacungwa y’izahabu ari mu tujishano tw’ifeza.

Imigani 10:32

Iminwa y’umugororotsi izi ibishimwa, Arikw akanwa k’abanyakibi kavuga ibidadi.

Zaburi 45:4

Ugendane icubahiro, ugendera kw ifarasi, utsinde, Urwanire ukuri n’ubugwaneza no kugororoka. Ukuboko kwawe kw’i buryo kukwigishe ibitera ubgoba.

Luka 2:47

Abamwumvise bose batangazwa n’ubgenge bgiwe n’ivy’ abishura.

Umusiguzi 10:12

Amajambo yo mu kanwa k’umunyabgenge n’ay’ igikundiro; arik’ umunwa w’igipfu uzogicisha umutwe.

Luka 2:48

Bamubonye baratangara, nyina aramubaza, ati Mwananje, n’iki catumye utugirira urtyo? Urabona twe na so aho twakurondereye tubabaye.

Luka 4:21

Atangura kubabgira, at’ Ivyo vyanditswe birashitse uyu musi, nk’ukw amatwi yanyu yiyumviye.

Yohana 1:45

Filipo abona Natanayeli, aramubgira, at, Uwo Mose yanditse mu vyagezwe, n’abāvugishwa n’Imana bakamwandika, twamubonye, ni Yesu w’i Nazareti, mwene Yosefu.