Luka 3:10 - Bibliya Yera 1951 1967 (Burundi)

¹⁰ Ishengero riramubaza, riti None tugire dute?

Bibiliya mu Kirundi coroshe

¹⁰ Abantu benshi bari ngaho baramubaza bati: “None dukore iki?”

Luka 3:10 Referans Kwoze

Ivyakozwe 2:37

Bumvise ivyo, bibacumita mu mitima, babaza Petero n’izindi ntumwa, bati Bagabo bene Data, mbega tugire dute?

Luka 3:14

N’abasoda baramubaza, bati Tweho tugire dute? Arabishura, ati Ntihakagire umuntu mutangisha impongano canke mwagiriza ibinyoma, kand’ ingero zanyu zibabumbe.

Ivyakozwe 16:30

arabasohokana, arababaza, ati Bagenzi, nkwiye gukora iki ngo nkire?

Luka 3:8

Nuko mwame imbuto zikwiranye n’ukwihana: kandi ntimutangure kwiyumvira mu mitima, muti Ko dufise Aburahamu, ni we sogokuruza. Ndababgira yukw aya mabuye Imana ishobora kuyavyuramw’ abana ba Aburahamu.

Ivyakozwe 9:6

ariko va hasi, ushike mu gisagara, uzobarirwa ivy’ ukwiye gukora.

Luka 3:12

Kandi haza n’abatozakori kubatizwa, baramubaza, bati Mwigisha, tugire dute?

Ivyakozwe 2:38

Petero arabishura, ati Ni mwihane, umuntu wese muri mwebge abatizwe mw izina rya Yesu Kristo, mubone guharirwa ivyaha vyanyu, kandi muzohabga ingabire, ari yo Mpwemu Yera.