Luka 23:9 - Bibliya Yera 1951 1967 (Burundi)

⁹ Amubaza amajambo menshi, ntiyamwishura na rimwe.

Bibiliya mu Kirundi coroshe

⁹ Nuko abaza Yesu ibibazo vyinshi ariko ntiyishura na kimwe.

Luka 23:9 Referans Kwoze

Matayo 27:14

Ariko ntiyamwishura n’ijambo na rimwe, bituma ico cēgēra gitangara cane.

1 Petero 2:23

yaratutswe, ntiyabasubiza; yarababajwe, ntiyabahigira; ariko yiha Īdaca urwa nkunzi.

Ivyakozwe 8:32

Igihimba co mu vyanditswe yasoma cār’ iki, ngo Yajanywe nk’intama bajana mw ibāgiro, Nk’uk’ umwagazi w’intama utekerereza imbere y’uwukemura Ni kw atākūyek’ umunwa.

Luka 13:32

Arababarira, ati Genda mubgire iyo mbgebge, mut’ Umve, arasenda abadayimoni, arakiza abantu uyu musi n’ejo, ku musi ugira gatatu azotunganywa rwose.

Matayo 7:6

Ivyera vy’Imana ntimukabihe imbga, kand’ imaragarita zanyu ntimuziterere ingurube, kugira ngo ntizizihonyange n’inzāra zazo, maze zikabahindukirira, zikabatabagura.

Yesaya 53:7

Yaracuranguzwa, yamar’ akarendeka, ntiyakūrak’ umunwa; nk’ umwagazi w’intama ujanwa mw ibāgiro, canke nk’ukw intama itekerereza imbere y’abayikemura, ni kw atākūyek’ umunwa.

Zaburi 39:9

Naracereje, sinateranura akanwa, Kukw ari wewe wabikoze.

Matayo 27:12

Ariko mu vyo arezwe n’abaherezi bakuru n’abashingantahe ntiyishura na rimwe.

Mariko 15:5

Maze Yesu ntiyasubira kwishura ijambo na rimwe, bituma Pilato atangara.

Luka 23:10

Abaherezi bakuru n’abanyabgenge b’ivyanditswe barahagarara, bakovya kumwagiriza cane.

Yohana 19:9

asubira kwinjira mw iboma, abaza Yesu, at’ Ur’ uwa hehe? Ariko Yesu ntiyamwishura na rimwe.