Luka 17:3 - Bibliya Yera 1951 1967 (Burundi)

³ Mwirinde; mugenzawe ni yakora icaha, umuhanūre; ni yihana, umuharire.

Bibiliya mu Kirundi coroshe

³ Nuko rero mwiyubare mu vyo mukora. Umuvukanyi wawe niyacumura, umwihanize. Niyihana, umuharire.

Luka 17:3 Referans Kwoze

Abalewi 19:17

Ntihaze hagire uwamanira akazīka uw’i wabo mu mutima wiwe; ariko ntaz’ abure kumuhanūra, kugira ngo ntibimukwegere icaha kubg’ uwo.

Matayo 18:21

Maze Petero aza kuri we, aramubgira, ati Mushingantahe, incuti yanje ni yangirira nabi, nzomuharira ngeze kangahe? Ngeze indwi?

Imigani 9:8

Ntiwihanize umucokoranyi, yohava akwanka: Wihanize umunyabgenge, azogukunda.

Yakobo 5:19

Bene Data, ni hagira umuntu muri mwebge azimira, akava ku vy’ ukuri, uwundi akamuzimurura,

Imigani 27:5

Guhanira ahibonekeza Kuruta urukundo rudaseruka.

Gusubira mu Vyagezwe 4:23

Nuko mwiyubare, mwoye kwibagira isezerano ry’Uhoraho Imana yanyu yasezeranye namwe, mukībāzira igishushanyo, mugishushanije n’ ishusho y’ikintu ic’ ari co cose, Uhoraho Imana yanyu yababujije.

Gusubira mu Vyagezwe 4:9

Ariko kimwe gusa, mwiyubare, mugire umwete wo kwirinda mu mitima, mwoye kwibagira ivyo amaso yanyu yiboneye, vyoye kuva mu mitima yanyu imisi yose muzoba mukiriho; ariko muze mubimenyeshe abana banyu n’abuzukuru banyu.

Kuvayo 34:12

Muze mwirinde, ntimuze musezerane isezerano n’ abari mur’ ico gihugu mugiyemwo, ntibize bihave bibabera umutego hagati muri mwebge;

2 Yohana 1:8

Mwiyubare, ntimuhombe ivy’ ibikorwa mwakoze, ariko ngo muhabge ingero itagabanije.

Abaheburayo 12:15

mwizigame, ntihagire umuntu adashikīra ubuntu bg’Imana, kandi ntihagire umuzi wo kurura umera, ukabahagarika imitima, abenshi bakāndura,

Abanyefeso 5:15

Nuko mwirinde cane uburyo mugenda, mwoye kugenda nk’imburabgenge, ariko mugende nk’abanyabgenge,

Luka 21:34

Ariko mwirinde, kugira ngw imitima yanyu ntīremērwe no kudandahirwa no kuborerwa n’umwitwaririko w’ivy’ ubu bugingo, ng’uwo musi ntubazeko giturumbuka, nk’umutego:

Imigani 17:10

Umuntu afise ubgenge iy’ ahambariwe bimushika kure Kurusha ukw inkoni ijana zishika ku gipfu.

Zaburi 141:5

Umugororotsi ankubise, bizoba ar’ ukungirira neza; Ampannye, bizoba ari nko kunsīga amavuta ya elayo mu mutwe: Umutwe wanje woye kuvyanka. Ariko gusenga kwanje gukomeza kurwanya ivyaha vya ba bandi.

Gusubira mu Vyagezwe 4:15

Nuko mwiyubare cane, kuko mutāgize ishusho mubona na mba, kuri wa musi Uhoraho yababarira ar’ i Horebu, ari hagati mu muriro,