Luka 15:16 - Bibliya Yera 1951 1967 (Burundi)

¹⁶ Yifuza guhāzwa n’ibishishwa ingurube zārya, ntihāgira ūmunūtsa.

Bibiliya mu Kirundi coroshe

¹⁶ Uwo muhungu arasonza gushika aho yipfuza ivyokurya vy’ingurube, ariko na vyo nta n’umwe yabimuha.

Luka 15:16 Referans Kwoze

Hoseya 12:1

Efurayimu atunzwe n’umuyaga, kand’ akurikira umuyaga uva i burasirazuba: ntahengeshanya kugwiza ibinyoma n’ubugunge. Basezerana isezerano n’abo muri Ashuri, maz’ amavuta agahonera muri Egiputa.

GUCURA INTIMBA 4:5

Abāri bamenyereye gufungura ibigemānije basigaye bagwira isari mu nzira; Abārerewe mu mpuzu z’ inyambarabami basigaye barambarara ku macukiro.

Yesaya 44:20

Ūshima umunyota gusa, umutima wibesha uba wamujimije, bituma adashobora gukiza ubugingo bgiwe, ngw aruhe yibaza, ati Mbeg’ ico mfise mu kuryo kwanje s’ikinyoma?

Zaburi 142:4

Itegereze i buryo bganje, urābe ko har’ umuntu ampa ni rwere: Mbuze ubuhungiro; nta muntu ababaye ubugingo bganje.

Yesaya 57:3

Ni mwīgire hino, mwa bana b’umurozikazi, mwa ruvyaro rw’ umusambanyi n’umusambanyikazi.

Yesaya 55:2

N’iki gituma mutanga amahera kugura ibitar’ ivyo kurya nyakuri? N’iki gituma mukorera ibidahāza? Mugire umwete wo kunyumvira, ni ho muzorya ivyiza, ubugingo bganyu bunezererwe ibishashagira.

Zaburi 73:22

Nar’ ikijuju, nar’ imburabgenge, Namera nk’igikōko imbere yawe.

Matayo 7:6

Ivyera vy’Imana ntimukabihe imbga, kand’ imaragarita zanyu ntimuziterere ingurube, kugira ngo ntizizihonyange n’inzāra zazo, maze zikabahindukirira, zikabatabagura.

Luka 15:15

Aragenda, ashumba ku muntu wo mur’ ico gihugu, amurungika ku gasozi kiwe kuragira ingurube.

Luka 15:17

Yisubiyemwo, aribgira, at’ Abacangero ba data bangana kuriya, kandi bahāzwa n’ivyo kurya bakabisigaza, nanje jeho inzara irikw iranyicira hano.

Yobu 30:4

Basoroma utuboga tumera mu bisaka, Imizi y’igiti c’umurotemu ni yo bagira utwo kurya.