Luka 14:12 - Bibliya Yera 1951 1967 (Burundi)

¹² Kand’ abgira uwamutumiye, ati Ni wagira amazimano ku murango canke mw ijoro, ntuz’ utumire abagenzi bawe cank’ abo muvukana cank’ incuti zawe cank’ ababanyi bawe b’abatunzi; kuko kumbure na bo bogutumira, bakakwishura.

Bibiliya mu Kirundi coroshe

¹² Yesu aca abarira uwamutumiye ati: “Niwategura umusi mukuru, ntuze utumire abagenzi, abavukanyi, incuti, canke ababanyi batunze. Kuko na bo bazogutumira, maze impera yawe ibe iyo.

Luka 14:12 Referans Kwoze

Matayo 5:46

Ni mwakunda ababakunda, muri n’impēra ki? Mbeg’ abatozakori bo si ko bagira?

Imigani 22:16

Ūnyikiza umugorwa aba amugwirije, Kand’ ūgabira umutunzi, aba amukehereje.

Imigani 14:20

Umworo arankwa gushitsa no ku mubanyi, Arik’ umutunzi agira abakunzi benshi.

Luka 1:53

Abashonje yabahāgije ivyiza, Yirukanye abatunzi bagenda imvumure.

Luka 1:58

Ababanyi biwe n’incuti ziwe bumva yuk’ Umwami Imana yamugiriye imbabazi nyinshi, banezeranwa na we.

Luka 14:11

Kuk’ umuntu wese yishira hejuru azocishwa bugufi, kand’ uwicisha bugufi azoshirwa hejuru.

Luka 14:13

Ariko ni wagira amazimano, upfume utumira aboro n’ibirema n’abacumbagira n’impumyi: ni ho uzoba uhiriwe;

2 Korinto 6:13

Nuko ndababgira nk’abana banje, namwe ni mwāguke, mwishure nk’uko mwagiriwe.