Luka 13:25 - Bibliya Yera 1951 1967 (Burundi)

²⁵ Nyen’ inzu ni yaheza guhaguruka, akugara urugi, mugatangura gukomanga muhagaze hanze, mukavuga, muti Mupfasoni, n’utwugururire: ni ho azobishura, ati Simbazi, sinzi n’iyo muvuye.

Bibiliya mu Kirundi coroshe

²⁵ Nyene inzu niyahaguruka akugara umuryango, muzohagarara inyuma mudodora, mutakamba muti: ‘Nyakwubahwa, twugururire.’ Na we azobishura ati: ‘Sindabazi kandi sinzi n’iyo muva.’

Luka 13:25 Referans Kwoze

Luka 13:27

Azobabgira, ati Ndababgire, sinzi iyo muvuye; mviraho, mwa bakora ibizira mwese mwe.

Luka 6:46

Kandi munyitira iki Mwami, Mwami; ntimukore ivyo mvuga?

Matayo 25:41

Maz’ azobgira n’abar’ i bumoso, ati Mva i ruhande, mwa bivume mwe, muje mu muriro utazima wateguriwe wa Murwanizi n’abamarayika biwe.

Yesaya 55:6

Ni murondere Uhoraho bigishoboka kw abonwa, ni mumwambaze akiri hafi:

Abaheburayo 12:17

Kuko muzi yuko hanyuma, hamwe yagomba kuragwa umugisha, atemerewe, kukw atābonye uburyo bgo kwihana, naho yawurondera cane arira.

2 Korinto 6:2

kuko yavuze, iti Mu gihe co kwemererwamwo ndakwumvise, No ku musi wo gukirizwako ndagutabaye. Ehe none n’igihe co kwemererwamwo, ehe none n’umusi wo gukirizwako.

Zaburi 32:6

Ni co gituma ūkwubaha wese akwiye kugusengera mu gihe wobonerwamwo: N’ukuri, iy’ amazi asendanishije yamaze iminyika, ntazomushikako.

Itanguriro 7:16

Ivyinjiye vyar’ ikigabo n’ikigore vyo mu bifise umubiri vyose, nk’ukw Imana yamugeze: maz’ Uhoraho amwugaranira imbere.

Luka 3:8

Nuko mwame imbuto zikwiranye n’ukwihana: kandi ntimutangure kwiyumvira mu mitima, muti Ko dufise Aburahamu, ni we sogokuruza. Ndababgira yukw aya mabuye Imana ishobora kuyavyuramw’ abana ba Aburahamu.