Luka 1:13 - Bibliya Yera 1951 1967 (Burundi)

¹³ Umumarayika aramubgira, ati Nta co utinya, Zakariya, kukw ivyo wasavye vyumviswe, umugore wawe Elisabeti azokuvyarira umuhungu, uz’ umwite Yohana:

Bibiliya mu Kirundi coroshe

¹³ Ariko wa mumarayika aramubarira ati: “Zakariya we, ntutinye, kuko Imana yumvise ugusenga kwawe. Umugore wawe Elizabeti agiye kukuvyarira umwana w’umuhungu, na we uze umwite Yohana.

Luka 1:13 Referans Kwoze

Ivyakozwe 10:31

arambgira, ati Koruneliyo, ugusenga kwawe kwarumviswe, n’ubuntu bgawe bgibutswe imbere y’Imana.

1 Samweli 2:21

Maz’ Uhoraho agendera Hana, asama inda, aja imbere avyara abana b’abahungu batatu n’abakobga babiri. Arik’ uwo mwana Samweli akurira imbere y’Uhoraho.

Zaburi 113:9

Uwari yaragumbashe amuha kwubaka urugo, Ari nyina w’abahungu anezerewe. Haleluya!

Itanguriro 25:21

Isaka atakambira Uhoraho kubg’ umugore wiwe, kukw atāvyara: Uhoraho yumva gutakamba kwiwe, Rebeka umugore wiwe asama inda.

Luka 2:21

Kand’ imisi munani ishitse ngw akebge, bamwita YESU, rya zina ryavuzwe n’umumarayika, atarasamwa inda.

Zaburi 118:21

Ndagushima kuko wanyishuye, Ukampindukira agakiza.

Itanguriro 18:14

Mbega har’ ikinanira Uhoraho? Igihe gishinzwe, umwaka ugeze ah’ uyu ugeze, nzogaruka i wawe Sara yavyaye umuhungu.

Matayo 14:27

Uwo mwanya Yesu arababgira, ati Hūmura, ni jewe, ni mureke gutinya.

Itanguriro 17:19

Imana iramwishura, it’ Oya, ariko kuri Sara umugore wawe ni ho uzovyara umwana. Kand’ uz’ umwite Isaka; nanje nzokomeza isezerano ryanje na we, ngo ribe isezerano ridashira ku ruvyaro rwiwe ruzovuka hanyuma.

Matayo 28:5

Arik’ umumarayika abgira ba bagore, ati Mweho ntimutinye, kuko nzi ko murondera Yesu, umwe yabambga;

Daniyeli 10:12

Maz’ arambgira, ati Nta co utinya, Daniyeli; kuk’ uhereye umusi washiriye umutima ku gutahura, no kwicisha bugufi imbere y’Imana yawe, amajambo yawe yarumviswe; kand’ ayo majambo yawe nyene ni yo anzanye.

Abacamanza 6:23

Maz’ Uhoraho aramubarira, ati Mpore, nta co utinya, ntupfa.

Itanguriro 17:10

Iri ni ryo sezerano ryanje muzokwama mushitsa, riri hagati yanje namwe n’uruvyaro rwawe ruzovuka hanyuma: izinamuhungu wese muri mwebge az’ akebge.

Luka 1:30

Umumarayika aramubgira, ati Nta co utinya, Mariya, kuk’ ugiriwe ubuntu n’Imana.

Yesaya 8:3

Nuko ndārira umugore w’ūvugishwa, asama inda, avyara umuhungu. Maz’ Uhoraho aca arambarira, ati Mwite Maheri‐shalali‐hashi‐bazi.

Hoseya 1:6

Nukw arongera asama inda, avyara umukobga. Uhoraho yongera kumubarira, at’ Izina ryiwe n’umwite Ntambabazi, kuko ntazosubira kugirira imbabazi inzu ya Isirayeli, ngo ndabaharire na gatoya.

Hoseya 1:4

Maz’ Uhoraho aramubarira, at’ Izina ryiwe n’umwite Yezireli; kuko hasigaye igihe gito ngahōra ab’ inzu ya Yehu amaraso yaviriye i Yezireli, kandi nzohenebereza ingoma y’inzu ya Isirayeli.

Mariko 16:6

Arababgira, ati Nta co mwumirwa: ndazi yuko murondera Yesu Umunyanazareti umwe yabambga: none yazutse, ntari hano: ehe, rāba aho bāri bamushize!

Matayo 1:21

Azovyara umwana w’umuhungu, nawe uz’ umwite YESU, kukw ari we azokiza abantu biwe ivyaha vyabo.

Luka 1:14

uzonezerwa, uzohimbarwa, kandi benshi bazonezererwa ukuvuka kwiwe;