Ivyakozwe 9:6 - Bibliya Yera 1951 1967 (Burundi)

⁶ ariko va hasi, ushike mu gisagara, uzobarirwa ivy’ ukwiye gukora.

Bibiliya mu Kirundi coroshe

⁶ Ariko haguruka ushike mu gisagara, ni ho uzobwirirwa ivyo ukwiye gukora.”

Ivyakozwe 9:6 Referans Kwoze

Ivyakozwe 22:10

Ndamubaza, nti Ngire nte ga Mwami? Umwami aranyishura, ati Va hasi, ushike i Damasiko, ni ho uzobaririrwa ivyashinzwe k’uzokora.

Ivyakozwe 26:16

Ariko va hasi, hagarara n’ibirenge vyawe: kukw igitumye nkwiyereka, ar’ukugira ngo ngutoranye nkugire umukozi wanje n’icabona co gushingira intahe ivy’ umbonanye, n’ivyo nzokwiyerekeramwo;

Filipi 2:12

Nuko rer’ abo nkunda, nk’uko mwamye muganduka abe ari ko mushitsa agakiza kanyu, mutinya muhinda agashitsi, yamara s’iyo ndiho gusa, ariko n’ubu nyene naho ntar’ iyo ni murushirize.

Abaroma 10:20

Kandi Yesaya ashira amanga cane, aravuga, ati Nabonywe n’abatāndondeye, Neretswe abatāmbaririkije.

Abaroma 10:3

Ko batari bazi ukugororoka kuva ku Mana bakarondera kwishingira ukugororoka kwabo ubgabo, ntibāganjwe n’ukuva ku Mana.

Abaroma 7:9

Nanje kera nariho, ntafise ivyagezwe: maz’ icagezwe kije, icaha kirarabūka, nanje ndapfa;

Abaroma 5:20

Arikw ivyagezwe vyaje na vyo, kugira ngo gucumura kugwīre: yamara, ah’ icaha cagwiriye ni ho ubuntu bg’Imana bgarushirije kugwira,

Ivyakozwe 10:32

Nuko tuma i Yopa, utumeko Simoni ari we Petero: asembereye mu rugo kwa Simoni umuhazi w’insāto, i ruhande y’ikiyaga.

Ivyakozwe 10:22

Baramwishura, bati Koruneliyo, umugabisha w’abasoda ijana, umuntu agororoka yubaha Imana, ashimwa n’ubgoko bgose bg’Abayuda, yabariwe n’umumarayika yera kugutumako, ng’ uze i we, yumve amajambo yawe.

Ivyakozwe 10:6

asembereye kwa Simoni umuhazi w’insāto, urugo rwiwe rur’i ruhande y’ikiyaga.

Ivyakozwe 2:37

Bumvise ivyo, bibacumita mu mitima, babaza Petero n’izindi ntumwa, bati Bagabo bene Data, mbega tugire dute?

Luka 3:10

Ishengero riramubaza, riti None tugire dute?

Matayo 19:30

Ariko benshi b’imbere bazoba ab’ inyuma, kand’ ab’ inyuma bazoba ab’ imbere.

Habakuki 3:16

Ndavyumvise, amara yanje aradobangana, Iminwa yanje iradegezwa kubg’ iryo iwi; Ikimungu cinjira mu magufa yanje, mpindira agashitsi aho ndi; Nkwiye guhangana n’umusi w’amagorwa nduhutse, Igihe abansi bazotēza ubgoko bgacu ibitero.

Yesaya 66:2

Kukw ivyo vyose intoke zanje ari zo zabiremye, bikabaho vyose, ni k’ Uhoraho agize; arik’ umuntu w’impahazwa afise umutima umenetse, agahindishwa agashitsi n’ ijambo ryanje, uwo ni we nzohozakw ijisho.

Yesaya 57:18

Inzira ziwe narazibonye, kandi nzomukiza; nzomurōngōra, nzoheruka kumwirurana n’abāmuborogera.

Zaburi 94:12

Ewe Uhoraho, hahirwa umuntu uhana, Ukamwigishisha ivyagezwe vyawe;

Zaburi 25:12

Umuntu yubaha Uhoraho ni nde? Azomurangira inzira akwiye guhitamwo.

1 Samweli 28:5

Sauli abonye ingabo z’Abafilisitiya, aratinya, aranduka umutima.

Yakobo 4:6

Arikw itanga ubuntu burushirije. Ni co gituma ivuga, it’ Imana irwanya abibona, arikw abicisha bugufi ibaha ubuntu.

1 Samweli 16:3

Uheze uhamagare Isayi aze kur’ ico kimazi; nanje nzokwereka uk’ uzogenza; uz’ undobanurize amavuta uwo nzokurangira.

EZEKIYELI 2:1

Arambarira, ati Mwana w’ umuntu, vyuka uhagarare n’ ibirenge vyawe, mbone kugira ico nkubarira.

EZEKIYELI 3:22

Aho hantu nyene ni ho ukuboko kw’Uhoraho kwanziyeko; arambarira, ati Va hasi, uje mu kiyaya, iyo ni ho nja kubonanira nawe.

Ivyakozwe 9:5

Aramubaza, at’ Uri nde ga Mwami? Na we ati Ni jewe Yesu, uwo urik’ urahīga;