Ivyakozwe 9:41 - Bibliya Yera 1951 1967 (Burundi)

⁴¹ Amufata ukuboko, aramuhagarika. Maz’ ahamagara abera n’abapfakazi, amubaha ari muzima.

Bibiliya mu Kirundi coroshe

⁴¹ Petero aca amufata ukuboko aramuhagurutsa. Hanyuma ahamagara abizera, na canecane abapfakazi, amubashikiriza ari muzima.

Ivyakozwe 9:41 Referans Kwoze

Ivyakozwe 6:1

Kandi mur’ iyo misi, abigishwa bāriko baragwira, Abayuda bavuye i Bugiriki bidodombera Abaheburayo b’inyamo, kukw abapfakazi babo bīrengagizwa ku ngaburo y’imisi yose.

Mariko 1:31

Araza, amufata ukuboko, aramuvyutsa, umururumbo urazima, arabazimana.

Ivyakozwe 20:12

Bazana uwo muhungu ari muzima, imitima yabo iraruhuka.

Ivyakozwe 3:7

Maz’ amufata ukuboko kw’i buryo, amukūra hasi: ako kanya ibirenge vyiwe n’ingingo zavyo bica birakomera,

Luka 7:15

Uwari yapfuye aravyuka, aricara, atangura kuvuga; Yesu amuha nyina.

Luka 7:12

Ashitse hafi y’irembo ry’igisagara, hasokoroka abajanye umuvyimba kuwuhamba, ariko yar’ ikinege, kandi nyina yar’ umupfakazi: abantu benshi bo mur’ ico gisagara bari kumwe na we.

Zaburi 146:9

Uhoraho ni we azigama inyambukīra; Ashigikira impfuvyi n’umupfakazi; Arikw inzira y’abanyakibi arayigoreka.

Yobu 29:13

Umugorwa yarampezagira, Kandi nanezereza umutima w’umupfakazi.

1 Abami 17:23

Maze Eliya yābīra uwo mwana, aramwururukana amukūye mur’ ico cumba co hejuru, aramwinjirana amuha nyina; Eliya aramubarira, at’ Eh’ umwana wawe ni muzima.

Itanguriro 45:26

Baramubarira, bati Yosefu aracariho, ni we wa mugaba w’igihugu cose ca Egiputa. Umutima wiwe uca ugwa igihumura, ntiyavyemera.

Ivyakozwe 9:13

Ananiya aramwishura, ati Mwami, uwo mugabo ko numvise benshi bavuga ivyiwe, vy’inabi nyinshi yagirira abera bawe i Yerusalemu:

Ivyakozwe 9:32

Nuko Petero agendagenda hose, amanuka no ku bera baba i Luda,

1 Timoteyo 5:3

Wubahe abapfakazi b’inyakamwe vy’ukuri.

1 Timoteyo 5:5

Umupfakazi w’inyakamwe asigaye ar’ umwe, yizigira Imana, agashishikara kwinginga no gusenga ku murango no mw ijoro.

2 Abami 6:7

Aramubarira, ati Yābīre. Atuma ukuboko arayābīra.