Ivyakozwe 7:43 - Bibliya Yera 1951 1967 (Burundi)

⁴³ Mwareruye ihema rya Moloki, N’inyenyeri y’ikigirwamana Refani, Ar’ ibishushanyo mwironkeye ngo mubisenge: Nanje nzobambukana hirya y’i Babuloni.

Bibiliya mu Kirundi coroshe

⁴³ Mwashize hejuru ihema rya Moleki, n’ikimenyetso c’inyenyeri c’imana yanyu Refani, ibishushanyo mwacuze ngo mubisenge. Nuko rero nzobirukana muhungire hakurya ya Babiloni.’

Ivyakozwe 7:43 Referans Kwoze

2 Abami 21:6

Atanga umuhungu wiwe kw ikimazi ngo yoserezwe mu muriro, agapfumuza, agatera amabara, akaja kuraguza abahamagara imizimu, n’ abamenyi; yakora ibibi vyinshi imbere y’Uhoraho, bimutera umwikomo.

2 Abami 18:11

Umwami w’i Ashuri araheza ajana Abisirayeli ar’ inyagano, abajana muri Ashuri, abashira i Hala no kuri Habori, uruzi rw’i Gozani, no mu bisagara vy’Abamedi;

2 Abami 17:6

Mu mwaka ugira icenda Hoseya ari ku ngoma, ni ho umwami w’i Ashuri yatsinze i Samariya; araheza ajana Abisirayeli ar’ inyagano, abajana muri Ashuri, abashira i Hala no kuri Habori, uruzi rw’i Gozani, no mu bisagara vy’ Abamedi.

Abalewi 18:21

Kandi ntihaze hagire ūtanga uwo mu bana biwe ngo yoserezwe Moleki kw ikimazi, ngw atukishe izina ryanje, Imana yiwe: nd’ Uhoraho.

1 Abami 11:7

Bukeye Salomo ataba ku mpinga y’umusozi werekeye i Yerusalemu igitabo ca Kemoshi, ca kizira c’ubuyobe c’Abanyamowabu, bo n’ica Moleki, ca kizira c’ubuyobe c’Abamoni.

Yeremiya 32:35

Kandi bātabiye ibitabo Bayali, ni vyo biri mu mwonga wa mwene Hinomu, bagatanga abana babo b’abahungu n’abakobga kw ibimazi ngo boserezwe Moleki; ar’ ikintu ntābageze, kitigeze no kuza mu mutima wanje, ko bokora ivyo bizira, bagacumuza Abayuda.

Amosi 5:25

Mbega mwaranzaniye ibimazi n’amashikanwa mu bugaragwa ya myaka ukw ari mirongwine, yemwe ab’ inzu ya Isirayeli?