Ivyakozwe 7:35 - Bibliya Yera 1951 1967 (Burundi)

³⁵ Mose uyo, umwe banka, bati Ni nde yakugize umukuru cank’ umucamanza? ni we Imana yatumye kuba umukuru n’umucunguzi, abihawe n’ukuboko kw’umumarayika yamubonekereye muri ca gisaka.

Bibiliya mu Kirundi coroshe

³⁵ Uwu ni Mose nyene bari baranse igihe bavuga bati: ‘Ni nde yakugize umutware n’umucamanza wacu?’ Imana ubwayo ni yo yamwirungikiye ngo abe umutware n’umucunguzi wabo, biciye ku mumarayika yamwiyeretse ari mu gisaka caka umuriro.

Ivyakozwe 7:35 Referans Kwoze

Luka 19:14

Arikw abantu biwe bāramwanka, bamukurikiza intumwa, bat’ Uyo ntitugomba kw atuganza.

Zaburi 75:7

Arikw Imana ni yo mucamanza: Icisha umwe bugufi, igashira uwundi hejuru.

Guharūra 20:16

Maze batakambiye Uhoraho, yumva ijwi ryabo, atuma umumarayika, abakūra muri Egiputa. Ngo Non’ ehe rāba, bar’ i Kadeshi, igisagara co ku rubibe rwawe.

Kuvayo 14:19

Maz’ umumarayika w’Imana yahora abagenda imbere, avayo, agaruka inyuma yabo; ya nkingi y’igicu iva imbere yabo, iraza ihagarara inyuma yabo,

Ivyahishuwe 15:3

Baririmba indirimbo ya Mose umusavyi w’Imana, n’indirimbo ya wa Mwagazi, bat’ Ibikorwa vyawe birahambaye kandi biratangaza, Mwami Mana ushobora vyose; inzira zawe n’iz’ ukugororoka n’ukuri, Mukama w’amahanga.

Abaheburayo 2:2

Kw ijambo ryavugiwe mu kanwa k’abamarayika ryagumyeho, kand’ ibicumuro vyose no kutaryumvira bikagererwa ingero bikwiranye,

Kolosayi 1:15

Ni we shusho y’Imana itaboneka, ni we mfura mu vyaremwe vyose:

Ivyakozwe 7:51

Yemwe abatagonda izosi, mwa ntakebga mu mitima no mu matwi, na ntaryo murwanya Mpwemu Yera. Uko ba sogokuruza banyu bākora, ni ko namwe mukora.

Ivyakozwe 7:30

Imyaka mirongwine ishize, umumarayika amubonekerera mu rubeya rw’umuriro waka mu gisaka c’amahwa mu bugaragwa bgo ku musozi Sinayi.

Ivyakozwe 5:31

Uyo Imana yaramushize hejuru n’ukuboko kwayo kw’i buryo, ngw abe Umukuru n’Umukiza, ngw ahe Abisirayeli kwihana no guharirwa ivyaha.

Ivyakozwe 3:22

Mose koko yaravuze, at’ Uhoraho Imana azobahagurukiriza ūvugishwa na we mu b’i wanyu ameze nkanje; uwo muze mumwumvire mu vy’ azobabarira vyose.

Ivyakozwe 2:36

Nukw abo mu muryango wa Isirayeli bose, ni bamenye badakekeranya yukw Imana yamugize Umwami na Kristo, Yesu umwe mwābamba.

Yohana 19:15

Na bo barasemerera, bati Mukūreho, mukūreho, umubambe. Pilato arababaza, ati Mbambe umwami wanyu? Abaherezi bakuru bati Nta mwami dufise, atari Kayisari.

Yohana 18:40

Nuko basubira gusemerera, bati S’uyo, ariko turekurire Baraba. Yamara Baraba yar’ umwambuzi.

Yesaya 63:9

Yababaranye na bo mu mibabaro yabo yose, kand’ umumarayika yama ahagaze mu nyonga ziwe yarabakiza: urukundo rwiwe n’ikigongwe ciwe ni vyo vyamuteye kubacungura; yarabaterura akabaheka imisi yose ya kera.

Zaburi 77:20

Warōngōje abantu bawe nk’ ubusho Ukuboko kwa Mose na Aroni.

1 Samweli 12:8

Yakobo yagiye muri Egiputa, Abanyegiputa babagirira nabi; maze ba sogokuruza batakambira Uhoraho, na we atuma Mose na Aroni, babakūra muri Egiputa, babagerēra mur’ iki gihugu.

1 Samweli 10:27

Arikw abantu b’abagesera bamwe baravuga, bati Mbeg’ uwo muntu yodutabara ate? Baramukēngēra, ntibāruha bamuzanira n’ imishikīro. Arikw apfa kwinumira.

Kuvayo 33:2

Nanje ndarungika umumarayika abaje imbere, kandi nzocirukanamw’ Abanyakanani, n’ Abamori, n’Abaheti, n’Abaferizi, n’Abahiwi, n’Abayebusi:

Kuvayo 32:34

None genda, ujane abo bantu ha hantu nakubarira; kand’ ehe rāba, umumarayika wanje azokuja imbere: yamara ku musi wo guhōra, nzobasubiriza mu nkōko ico caha cabo.

Kuvayo 14:24

Nuko mu gicugu ca nyuma Uhoraho acishiriza ari mu nkingi y’umuriro n’igicu, arunguruka ingabo z’Abanyegiputa, azica ivutu.

Kuvayo 2:14

Aramwishura, ati Ni nde yakugize umukuru cank’ umucamanza wacu? Mbeg’ ugomba kunyica nk’uko wishe wa Munyegiputa? Mose aratinya, arivuganya, ati N’ukuri vyaramenyekanye.

Mariko 12:26

Arikw ivy’ abapfuye yuko bazurwa, nta ho murasoma mu gitabo ca Mose hamwe havuga ivy’ Igisaka c’amahwa, ingen’ Imana yamubgiye, iti Ni jewe Mana ya Aburahamu, Imana ya Isaka, Imana ya Yakobo?