Ivyakozwe 7:14 - Bibliya Yera 1951 1967 (Burundi)

¹⁴ Yosefu atumiza se Yakobo n’abo mu nzu yabo bose, ukw ari mirongwirindwi na batanu.

Bibiliya mu Kirundi coroshe

¹⁴ Maze Yosefu aca atumako se Yakobo n’umuryango wiwe wose. Bose hamwe bari mirongo irindwi na batanu.

Ivyakozwe 7:14 Referans Kwoze

Gusubira mu Vyagezwe 10:22

Ba sogokuruza banyu bamanutse muri Egiputa ar’ abantu mirongwirindwi: non’ Uhoraho Imana yanyu yabahinduye nk’inyenyeri zo kw ijuru mu kuba benshi.

Kuvayo 1:5

Abantu bose bāndurutse mu rura rwa Yakobo bari mirongwirindwi, hakora Yosefu yar’ asanzwe ari muri Egiputa.

Zaburi 105:23

Kandi Isirayeli aja muri Egiputa, Yakobo agerēra mu gihugu ca Hamu.

Itanguriro 46:12

Bene Yuda ni Eri, na Onani, na Shela, na Peresi na Zera: ariko Eri na Onani bapfiriye mu gihugu c’i Kanani. Bene Peresi ni Hesironi na Hamuli.

Itanguriro 45:13

Kandi muze mubarire data icubahiro canje cose mfise muri Egiputa, n’ivyo mwiboneye vyose, kandi muze munyarukane data kumushikana ino.

Ivyakozwe 2:41

Nukw abemeye amajambo yiwe barabatizwa: abongewe kur’ uwo musi ku bāri basanzweho bāri nk’ibihumbi bitatu.