Ivyakozwe 26:20 - Bibliya Yera 1951 1967 (Burundi)

²⁰ Ariko nabanje kubgira ab’i Damasiko hanyuma ab’i Yerusalemu, n’abo mu gihugu cose c’i Yudaya, n’abanyamahanga na bo, yuko bakwiye kwihana, no guhindukirira Imana, bakore ibikorwa bikwiranye n’ukwihana.

Bibiliya mu Kirundi coroshe

²⁰ Nahereye ku b’i Damasiko, hanyuma nja mu b’i Yerusalemu n’i Yudaya hose, ntibagiye no mu Banyamahanga, nigisha ko bakwiye kwihana bakagaruka ku Mana, kandi bagakora ibikorwa bikwiranye n’ukwihana kwabo.

Ivyakozwe 26:20 Referans Kwoze

Ivyakozwe 3:19

Nuko mwihane, muhindukire, ivyaha vyanyu bihanagurwe, ibihe vyo guhēmbūka bibone ingene biza, bivuye mu nyonga z’Umwami Imana,

Matayo 3:8

Nuko mwame imbuto zikwiranye n’ukwihana.

Ivyakozwe 2:38

Petero arabishura, ati Ni mwihane, umuntu wese muri mwebge abatizwe mw izina rya Yesu Kristo, mubone guharirwa ivyaha vyanyu, kandi muzohabga ingabire, ari yo Mpwemu Yera.

Ivyahishuwe 2:5

Nuko ni wibuke aho wavuye ukagwa; wihane, ukore ibikorwa nk’ivya mbere. N’utagira urtyo, nzoza kuri wewe nkūre igiterekwakw itara cawe ahantu haco, shiti wihannye.

Matayo 9:13

Mugende mwige iri jambo, muritahure, ngw Imbabazi ni zo ngomba, s’ibimazi: kuko ntaje guhamagara abagororotsi, atar’ abanyavyaha.

Ivyahishuwe 3:3

Ni wibuke rero ingene wākiriye kandi wumvise: uvyitondere, wihane. Nuko rero n’utaba maso, nzoza nk’igisuma, nawe ntuzomenya igihe nzokwūbīra.

Abanyefeso 4:17

Ni co gituma mvuga ibi, nkabishingira intahe mu Mwami wacu, ngo ntimube mukigenda nk’ukw abanyamahanga bagenda, bagendera mu bitagira ikimazi vyo mu bgenge bgabo,

2 Korinto 7:10

Umubabaro wo mu buryo bg’Imana utera ukwihana kuticuzwa, kuzana agakiza: arik’ umubabaro wo mu buryo bg’isi utera urupfu.

1 Tesalonike 1:9

Kuko bose bīvugira ubgabo inkuru z’ingene twaje muri mwebge, kand’ ingene mwahindukiriye Imana, mugaheba ibigirwamana, ngo mukorere Imana nyakuri kandi nzima,

2 Korinto 3:16

yamara, iy’ umuntu ahindukiriye Umwami, ico citwikiro gica gikūrwaho.

Abaroma 2:4

Cank’ ukēngēra itunga ryo kugira neza kwayo n’iry’ imbabazi zayo n’iry’ ukwihangana kwayo? Ntuzi yuko kugira neza kw’Imana kugushikana ku kwihana?

Ivyakozwe 26:17

ndagukize abo mur’ ubu bgoko bo n’abanyamahanga, ni bo ngutumyeko,

Ivyakozwe 20:21

Nashinze intahe mu Bayuda no mu Bagiriki y’ukwihana mu nyonga z’Imana, n’ukwizera Umwami wacu Yesu Kristo.

Ivyakozwe 17:30

Nukw iyo misi y’ubutamenya, Imana yarayīrengagije, ariko noneho, igera kw abantu bose bari hose bihana,

Ivyakozwe 15:19

Nuko rer’ inama yanje n’uko tureka kugora abo mu banyamahanga bahindukirira Imana,

Ivyakozwe 11:18

Bumvise ivyo barīhorera, bahimbaza Imana, bati Noneho rer’ Imana ihaye n’abanyamahanga kwihana ngo baronke ubugingo.

Ivyakozwe 9:35

Ababa i Luda n’i Saroni bose bamubonye bahindukirira Umwami Yesu.

Ivyakozwe 9:15

Umwami aramwishura, ati Pfa kugenda, kuk’ uwo muntu ar’ ikintu nītoranirije, ngw ajane izina ryanje imbere y’abanyamahanga n’abami n’Abisirayeli:

Luka 15:10

Ndababgire, Uko ni ko haba umunezero imbere y’abamarayika b’Imana kubg’ umunyavyaha umwe yihannye.

Luka 15:7

Ndababgira yuko mw ijuru bazonezererwa bartyo umunyavyaha umwe yihannye, bakamurutisha abagororotsi mirongwicenda n’icenda batarinda kwihana.

Luka 13:5

Ndababgire, Si ko biri; ariko ni mutihana, namwe muzohona murtyo mwese.

Luka 13:3

Ndababgire, Si ko biri; ariko ni mutihana, namwe muzohona murtyo mwese.

Luka 1:16

kand’ azosanganya benshi bo mu Bisirayeli n’Umwami Imana yabo.

Mariko 6:12

Baragenda, bigisha kw abantu bakwiye kwihana.

Matayo 4:17

Guhera ubgo, Yesu atangura kwigisha, ati Mwihane, kuk’ ubgami bgo mw ijuru buri hafi.

Matayo 3:2

ati Mwihane, kuk’ ubgami bgo mw ijuru buri hafi.

Hoseya 14:2

Mujane amajambo yo kwisaba mugaruke k’Uhoraho; mumwinginge, muti N’uduharire ibigabitanyo vyose, uduhangaze: muti Mu gishingo c’amapfizi tuzogushikanira ibimazi vy’iminwa yacu.

Hoseya 12:6

Nuko rero, hindukirira Imana yawe: gumya imbabazi n’ibiroranye, kandi wame urorēra Imana yawe udahengeshanya.

Ivyahishuwe 16:11

kand’ uburibge bgabo n’ibisebe vyabo bituma barogota ku Mana Nyen’ ijuru, kandi ntibihana ngo bareke ibikorwa vyabo.

Ivyahishuwe 2:21

Kandi namuhaye uburyo bgo kwihana, ntiyakunda kwihana ngw areke ubushakanyi bgiwe.

GUCURA INTIMBA 3:40

Enda ni dusesangure ingeso zacu, tuzisuzume, tugaruke k’Uhoraho.

Yesaya 55:7

umunyavyaha n’areke inzira yiwe, ūgabitanya areke ivyiyumviro vyiwe: agaruke k’Uhoraho, na we aramugirira ikigongwe, agaruke ku Mana yacu, kukw ikunda guharira.

Zaburi 22:27

Abo ku mpera zose z’isi bazokwibuka bahindukirire Uhoraho, Amoko yose yo mu mahanga azosengera imbere yawe.

Yeremiya 18:11

Nuko rer’ ubarire abagabo b’i Buyuda n’ababa i Yerusalemu, ut’ Uku ni k’Uhoraho agize, at’ Ehe mbagereye ikibi, nīgīriye imigabo y’ivyo nzobagirira: enda ni mugaruke, umuntu wese ave mu nzira yiwe mbi, mutunganye inzira zanyu n’ ingeso zanyu.

Yeremiya 35:15

Kandi nabatumyekw abasavyi banje bose abo navugisha, nama nzindurwa no kubatuma, nt’ Enda ni mugaruke, umuntu wese ave mu nzira yiwe mbi, mutunganye ibikorwa vyanyu, mwoye gukurikira izindi mana ngo muzigendanire; nti Ni ho muzobona kwibera mu gihugu nabahaye, mwe na ba sogokuruza: ariko ntimwateze ugutwi, canke ngo munyumvire.

Ivyakozwe 26:19

Nuko, mwami Agiripa, sinanka kwumvira ivyo neretswe vyavuye mw ijuru.