Ivyakozwe 21:33 - Bibliya Yera 1951 1967 (Burundi)

³³ Maz’ uwo mukuru w’abagabisha arabashikīra, aramufata, avuga ko bamufatisha iminyororo ibiri, abaza uw’ ari we, n’ic’ akoze ic’ ari co.

Bibiliya mu Kirundi coroshe

³³ Wa mukuru w’abasoda aca araseruka, aramufata, ategeka ko bamubohesha iminyororo ibiri, hanyuma abaza uwo ari we n’ico yakoze.

Ivyakozwe 21:33 Referans Kwoze

Abanyefeso 6:20

kuko nd’ intumwa yabgo iboheshejwe umunyororo, nsigure ivyabgo nshize amanga, nk’uko bimbereye kuvuga.

Ivyakozwe 21:11

Aza aho turi, yābīra umukanda wa Paulo, awibohesha amaguru n’amaboko, aravuga, at’ Uku ni ko Mpwemu Yera agize: Nyen’ uyu mukanda, uku ni kw Abayuda bazomubohera i Yerusalemu, bazomushira mu maboko y’abanyamahanga.

Ivyakozwe 20:23

atar’ uko Mpwemu Yera anshingira intahe mu gisagara cose yukw ingoyi n’ivyago bintegeyeyo.

Ivyakozwe 12:6

Ku musi Herode bgāca amubashikiriza, mur’ iryo joro Petero yar’ asinziriye hagati y’abasoda babiri, aboheshejwe iminyororo ibiri, abateramyi bāri ku rugi barinda inzu y’ibohero.

Ivyakozwe 28:20

Ivyo ni vyo nabatumiyeko ngo tuvugane tubonāna: kukw ivyo Abisirayeli bizigira kuzobona ari vyo vyatumye mboheshwa uyu munyororo.

Ivyakozwe 22:29

Nukw abāri bagiye kumucaca baca baramureka; umukuru w’abagabisha na we aratinya, amenye kw ar’ Umuroma, kandi yamuboshe.

2 Timoteyo 2:9

ubgo mbabarizwamwo, no kubohwa nkabohwa, nk’inkozi y’ikibi; arikw ijambo ry’Imana ntiriboshwe.

2 Timoteyo 1:16

Umwami agirire abo kwa Onesiforo ikigongwe, kuko yanduhura kenshi, kandi ntiyatewe n’isoni n’umunyororo wanje,

Ivyakozwe 26:29

Paulo, ati Ndasaba Imana ari bike ari vyinshi, yukw atoba wewe wenyene, ariko n’abanyumva uyu musi mwese, ko vyobahindura nkanje, ukūye iyi minyororo.

Ivyakozwe 25:16

Ndabishura, nti S’umugenzo w’Abaroma gutanga umuntu uw’ ari we wese, umuregwa atabanje kuba kumwe n’abāmureze imbonankubone, no kubona uburyo bgo kwiregura ibirego bāmureze.

Abacamanza 16:21

Maz’ Abafilisitiya baramufata, bamunogora amaso, bamumanukana i Gaza, bamufatisha iminyororo y’imiringa, bamugira umusyi mu nzu y’imbohe.

Abacamanza 16:12

Nuko Delila yābīra imigozi misha, arayimubohesha, aramubarira, ati Ngaho Samusoni, Abafilisitiya baragushikiriye! Kand’ abāmubundiye bāri mu cumba c’imbere mu nzu. Maze Samusoni aca acagagura iyo migozi imuboshe amaboko, nk’ūcagagura inyuzi.

Abacamanza 16:8

Maz’ abo baganwa b’Abafilisitiya bazanira uwo mugore imvuto ndwi zikiri mbisi zitarūma, arazimubohesha.

Abacamanza 15:13

Baramwishura, bat’ Oya, turakuboha gusa, tubagushikirize, ariko twebge ubgacu ntitukwica. Nuko bamubohesha imigozi misha ibiri, bamukūra mur’ ico gitandara baramudūgana.

Ivyakozwe 22:30

Ariko bukeye bg’aho, agomvye kumenya neza ic’ Abayuda bamurega ic’ ari co, aramubohora, agera kw abaherezi bakuru bakorana n’abanyekombe bose, amanukana Paulo, amuhagarika imbere yabo.

Filipi 1:7

Nanje birambereye kubiyumvirako ntyo mwese, kuko mbafise mu mutima, kuko mu ngoyi zanje, no mu gukiranira ubutumwa bgiza no kubucimbataza, mwese musangiye nanje ubuntu bg’Imana.