Ivyakozwe 20:9 - Bibliya Yera 1951 1967 (Burundi)

⁹ Kandi mw idirisha hari hicaye umusore yitwa Eyutuko, aremērwa n’itiro ryinshi; maze Paulo arushirije gutevya mu majambo, itiro riramuremēra, arakoroka avuye mu nzu yo hejuru ya gatatu, bamuyora ahwereye.

Bibiliya mu Kirundi coroshe

⁹ Maze umusore yitwa Eyutuko yari yicaye kw’idirisha, aremerwa n’itiro ryinshi Pawulo ariko arigisha. Amaze gusinzira cane, arakoroka avuye ku nzu yo hejuru igira gatatu, bamutora yapfuye.

Ivyakozwe 20:9 Referans Kwoze

Mariko 13:36

kugira ngo ni yaza giturumbuka, ntasange musinziriye.

Ivyakozwe 14:19

Maze haza Abayuda bavuye muri Antiyokiya no muri Ikoniyo; bamaze kwosha ishengero, batera Paulo amabuye, bamukwegera inyuma y’igisagara, bagira ngo yāpfuye.

Mariko 9:26

Irataka, iramujegeza cane, imuvamwo, amera nk’ūhwereye, bituma abenshi bavuga bat’ Arahwereye.

1 Abami 17:19

Eliya aramubarira, ati Mpa uwo mwana wawe. Nukw amumukūra mu gikiriza, aramuterura, amwūrirana mu cumba co hejuru, ah’ arāra, amurambika ku buriri bgiwe.

Ivyakozwe 20:7

Ku wa mbere w’imisi ndwi, dukoranira kumanyagura imitsima, Paulo ayāga na bo, agira ngo buce agenda, atevya mu majambo ashitsa mu gicugu.

Ivyakozwe 20:8

Maze hār’ amatara menshi mu cumba co mu nzu yo hejuru aho twari dukoraniye.

Ivyakozwe 20:10

Paulo arururuka, amwubama hejuru, aramugumbira, ati Mureke gukoma induru, kuk’ ubugingo bgiwe bukiri muri we.