Ivyakozwe 19:21 - Bibliya Yera 1951 1967 (Burundi)

²¹ Ivyo bishize Paulo agabira mu mutima wiwe guca i Makedoniya no muri Akaya aja i Yerusalemu, ati Ni namara gushikayo, nkwiye kuja kurāba n’i Roma na ho.

Bibiliya mu Kirundi coroshe

²¹ Inyuma y’ivyo, Pawulo, asunitswe na Mpwemu, aca afata ingingo yo kuja i Yerusalemu, aciye i Makedoniya no muri Akaya. Yavuga ati: “Mvuyeyo, ntegerezwa guca nja i Roma.”

Ivyakozwe 19:21 Referans Kwoze

Ivyakozwe 20:22

None rāba, ngiye i Yerusalemu mboshwe mu mutima, ntazi ibizombako nshitseyo;

Ivyakozwe 20:16

Kuko Paulo yari yagabiye guca i ruhande ya Efeso, kugira ngo ntatebe muri Asiya: kuko yihuta, ngo ni vyashoboka umusi wa Pentekote uz’ ushike ar’i Yerusalemu.

Ivyakozwe 23:11

Ijoro ry’uwo musi, Umwami Yesu amuhagarara hejuru, ati Hūmura; nk’uko wanshingiye intahe i Yerusalemu, ni k’ukwiye kuzonshingira intahe i Roma.

Abaroma 1:13

Kandi bene Data, singomba ko mutamenya yuko kenshi nari mfise imigabo yo kuza i wanyu, ngo mbone imbuto muri mwebge namwe, nk’uko nazibonye mu yandi mahanga, ariko ngira ikimbuza kugeza n’ubu.

Ivyakozwe 18:21

Arikw asezerana na bo, ati Nzogaruka ikindi gihe, Imana ni yabigomba. Avuduka muri Efeso ari mu bgato.

1 Tesalonike 1:7

bituma muba icitegererezo c’abizera bose bar’ i Makedoniya no muri Akaya.

Galatiya 2:1

Maze hahise imyaka cumi n’ine, nongera kudūgana na Barunaba, kandi na Tito ndamujana.

1 Korinto 16:5

Ariko nzoza i wanyu, ni namara guca i Makedoniya; kuko nzorinda gucayo.

Abaroma 1:15

ni co gituma jeho kubganje niteguye kubabgira ubutumwa bgiza namwe mur’ i Roma.

Ivyakozwe 28:16

Tumaze gushika Roma, umugabisha w’abasoda ijana ashikiriza imbohe umugabisha w’abasoda bahora bashibama kwa Kayisari: ariko bakundira Paulo kuba ukwiwe, ari kumwe n’umusoda amurinda.

Ivyakozwe 27:24

arambgira, ati Nta co utinya, Paulo; ukwiye guhagarara imbere ya Kayisari, kand’ ehe Imana ikwemereye n’abo mugendanye bose.

Ivyakozwe 27:1

Bamaze gushinga ngo tujabuke tuje muri Italiya, Paulo n’izindi mbohe babaha umugabisha w’abasoda ijana yitwa Yuliyo, wo mu ngabo za Augusito.

Ivyakozwe 21:17

Dushitse i Yerusalemu bene Data batwākīrana umunezero.

Ivyakozwe 21:4

Tuhasanze abigishwa, dusībiray’ imisi ndwi: na bo bavugishijwe na Mpwemu babarira Paulo ngo yoye kuja i Yerusalemu.

Ivyakozwe 18:12

Maze Galiyo abaye icēgēra ca Kayisari muri Akaya, Abayuda bahūza inama bakūrira hasi Paulo, bamujana imbere y’intebe y’imanza,

GUCURA INTIMBA 3:37

Ni nde yovuga ikintu, kikaboneka, kand’ Umwami Imana atari we yabigeze?

Ivyakozwe 16:12

tuvuyeyo dushika i Filipi, igisagara c’i Makedoniya gikuru mur’ iyo ntāra, cubatswe n’Abaroma. Tumara imisi mur’ ico gisagara.

Ivyakozwe 19:22

Atuma abāgenda bamukorera babiri, Timoteyo na Erasito, ngo baje i Makedoniya; ariko we, atebera muri Asiya imisi.

Ivyakozwe 19:29

Maz’ igisagara cose kiravurungana, bashwabadukira icarimwe baja ku kibuga c’ibirori, bashika Gayo na Arisitariko Abanyamakedoniya, bāgendana na Paulo.

Abaroma 1:11

Kuko nifuza kubabona, kugira ngo mbahe ingabire y’impwemu, ibaremeshe;

1 Korinto 4:19

Ariko nzoza vuba, Umwami wacu ni yabigomba; kandi s’amajambo y’abīkakīsha nzomenya, ariko n’ubushobozi bgabo.

2 Korinto 10:16

tuvuge ubutumwa bgiza mu bihugu biri hirya yanyu, kugira ngo twoye kwirata ivyo dusanze bīteguye, ahāgerewe uwundi.