Ivyakozwe 17:26 - Bibliya Yera 1951 1967 (Burundi)

²⁶ Kandi yaremye amahanga yose y’abantu, ibakūye mu muntu umwe, ngo basagaze mw isi yose, yashinze ibihe vy’imyaka ko bikūranwa uko yageze, icira abantu imbibe z’aho baba,

Bibiliya mu Kirundi coroshe

²⁶ Mu ruvyaro rw’umuntu umwe yakuyemwo amoko yose iyakwiza kw’isi yose. Ni yo yabashiriyeho igihe bazobaho, ibashingira n’imbibe z’aho bazoba.

Ivyakozwe 17:26 Referans Kwoze

Itanguriro 3:20

Uwo muntu yita umugore wiwe Eva, kukw ari we nyina w’abari n’ubugingo bose.

Malaki 2:10

Mbega twese ntidusangiye Data? Imana yaturemye s’imwe? None n’iki gituma turyarukana, umuntu wese aryaruka mwene wabo, tukica isezerano ryasezeraniwe ba sogokuruza?

1 Korinto 15:22

Nk’uko Adamu yandukije bose gupfa, ni ko muri Kristo bose bazohindurwa bazima.

1 Korinto 15:47

Umuntu wa mbere yandurutse mw ivu, n’uw’ umukungugu: umuntu wa kabiri yandurutse mw ijuru.

Zaburi 31:15

Ibihe vyanje biri mu kuboko kwawe, Unkize ukuboko kw’abansi banje n’abampama.

Yobu 14:5

Imisi yiwe ko yashinzwe, igitigiri c’amezi yiwe kikaba gifiswe nawe, Ukaba waramushingiye akarimbi adashobora kurēngāna;

Yobu 12:23

Igwiza amahanga, kand’ ikayarandura; Ishwiragiza amahanga, kand’ ikayagarukana.

Itanguriro 9:19

Abo, ukw ari batatu, ni bo Nowa yavyāye: ni bo bākomōtsweko n’ abakwiye isi yose.

Daniyeli 11:35

Kandi bamwe mur’ abo banyabgenge bazokwicwa, kuzoba ar’ ukubavugutira no kubakūramw’ inkamba no kubeza, gushitsa ku gihe c’iherezo, kukw iryo herezo rikirindiriye igihe cashinzwe.

Daniyeli 11:27

Abo bami bompi imitima yabo izoba iyo gukora ikibi; bazovugana ibinyoma bari ku meza amwe: arikw ivyabo ntibizororana, kukw iherezo rizoza mu gihe cashinzwe.

Yesaya 14:31

Wa rembo we, boroga! Nawe gisagara, urire! Bufilisitiya we, iy’ uva ukagera hose, urayaze nk’amavuta, kukw i burārūko havuye umwotsi, kandi nta wusigara yikwega mu ngabo ziwe.

Abaheburayo 2:3

tweho tuzokwikiza dute, ni twanjanjwa ku gakiza kangana gartyo? Kabanje kuvugwa n’Umwami wacu, kagakomezwa kuri twebge n’abakumvise,

Yesaya 45:21

Ni mubivuge, ni mubizane, mbere ni baje inama hamwe: ni nde yerekanye ivyo uhereye mu bihe vya kera? Ni nde yabimenyekanishije uhereye kera? Si jewe, Uhoraho? Kandi nta yindi Mana atari jewe, Imana igororotse kand’ Umukiza; nta yindi atari jewe.

Ivyakozwe 15:18

Ni k’Uhoraho agize, akora ivyo vyose, yabimenye uhereye ku kuremwa kw’isi.

Zaburi 74:17

Ni wewe washizeh’ imbibe zose z’isi, Waremye ici n’agatasi.

Yeremiya 27:5

mut’ Uhoraho agize ngo Ni jewe naremye isi, n’abantu n’ibikōko biri kw isi, mbiremesha ubushobozi bganje bginshi n’ukuboko kwanje kurāmvuye; kand’ ivyo mbigabira uwo ngomba.

Ivyakozwe 14:17

Ariko ntiyabirekeye ngaho, itagira ico kuyishingira intahe, kuko yama ibagirira neza, ibaha imvura iva mw ijuru, n’ibihe vy’ivyimburo vyiza, ibahāza ivyo kurya, yuzuza imitima yanyu umunezero.

Yesaya 34:17

Yabipfindiye ubupfindo, kand’ ukuboko kwiwe ni kwo kwahabigaburiye n’umugozi; bizohegukira gushitsa ibihe vyose, bihabe ukw ibihe bihaye ibindi.