Ivyakozwe 17:16 - Bibliya Yera 1951 1967 (Burundi)

¹⁶ Ariko Paulo akibarindīriye muri Atenayi, umutima wiwe utunturira muri we abonye ingen’ ico gisagara cuzuye ibigirwamana.

Bibiliya mu Kirundi coroshe

¹⁶ Pawulo akibarindiririye muri Atenayi, agira intuntu mu mutima kubera ibigirwamana vyinshi yabonye muri ico gisagara.

Ivyakozwe 17:16 Referans Kwoze

Zaburi 119:158

Nabonye abava mw isezerano, ndashavura: Kuko batitondera ijambo ryawe.

2 Petero 2:7

ikarokora Loti, umugororotsi, yababazwa cane n’ingeso z’isoni nke z’abatirinda —

Zaburi 119:136

Amaso yanje asendanisha inzūzi z’amazi, Kuko batitondera ivyagezwe vyawe.

Mariko 3:5

Aberaguzamw’ amaso, aratse, ababazwa n’ukw imitima yabo ikomantaye, abarira uwo muntu, ati Ramvura ukuboko kwawe. Arakuramvura, kurakira.

Mika 3:8

Ariko jeho nuzuye ubushobozi n’ ukuroranya n’inkomezi, mbihawe na Mpwemu w’Uhoraho, kugira ngo mmenyeshe Yakobo igicumuro ciwe, Isirayeli ndamumenyeshe icaha ciwe.

Yeremiya 20:9

Iyo mvuze, nti Sinzosubira kumuvuga, canke ngo ngire ico mvuga mw izina ryiwe, haca haba nk’umuriro uyingana mu mutima wanje, uhīshije uburimbi amagufa yanje, bikangora kwiyumanganya, nkaba ntobishobora.

Zaburi 69:9

Kukw ishaka ry’inzu yawe rindya; Ibitutsi vy’abagutuka vyaguye kuri jewe.

1 Abami 19:14

Arishura, ati Nagize ishaka ryinshi ryawe, Uhoraho Mana Nyen’ ingabo; kukw Abisirayeli bavuye mw isezerano ryawe, bagahomvagura ibicaniro vyawe, kandi bicishije inkota abavugishwa nawe; ni jewe jenyene nsigaye, nanje nyene barangenza ngo banyice.

1 Abami 19:10

Na we arishura, ati Nagize ishaka ryinshi ryawe, Uhoraho Mana Nyen’ ingabo; kukw Abisirayeli bavuye mw isezerano ryawe, bagahomvagura ibicaniro vyawe, kandi bicishije inkota abavugishwa nawe; ni jewe jenyene nsigaye, nanje nyene barangenza ngo banyice.

Ivyakozwe 17:23

Kukw aho nagendagenda nitegereza ivyo musenga, nasanze hari n’igicaniro canditsweko, ngw IC’ IMANA ITAZWI. Nukw iyo musenga mutayizi, ni yo mbabarira.

Yohana 2:13

Kandi Pasika y’Abayuda yari hafi; Yesu adūga i Yerusalemu.

Ivyakozwe 17:15

Kand’ abaherekeje Paulo bamugeza muri Atenayi; maze babariwe kubgira Sila na Timoteyo ngo bamusangeyo n’ingoga, basubira inyuma.

Ivyakozwe 17:21

Kukw Abanyatenayi bose n’ab’ akavantara bāriho, batāgira ikindi bakora, atar’ ukwumva canke kudonda amakuru mashāsha.

Ivyakozwe 18:1

Hanyuma y’ivyo Paulo ava muri Atenayi, aja i Korinto.

Ivyakozwe 20:22

None rāba, ngiye i Yerusalemu mboshwe mu mutima, ntazi ibizombako nshitseyo;

1 Tesalonike 3:1

Nuko tutagishoboye kwihangana, dushima gusigara twenyene muri Atenayi,