Ivyakozwe 16:34 - Bibliya Yera 1951 1967 (Burundi)

³⁴ Arabadūgana, abajana i we, arabagaburira, anezeranwa cane n’abo mu nzu yiwe bose, kuko yizeye Imana.

Bibiliya mu Kirundi coroshe

³⁴ Nuko abajana iwe, arabagaburira, kandi we n’abo mu nzu yiwe bose buzura umunezero kuko bari bizeye Imana.

Ivyakozwe 16:34 Referans Kwoze

Abaroma 15:13

Imana itanga ivyizigiro ibuzuze umunezero wose n’amahoro biva ku kwizera, kugira ngo murushirize kwizigira ibizoba, mubihawe n’ubushobozi bga Mpwemu Yera.

Filemoni 1:7

Kuk’ urukundo rwawe rwanteye umunezero mwinshi rukandemesha, kand’ imitima y’abera warayiruhuye, mwene Data.

Abaroma 5:11

Kandi si vyo vyonyene, arikw ikindi, tunezererwa Imana kubg’ Umwami wacu Yesu Kristo, yaduhesheje kwuzura na yo.

Ivyakozwe 2:46

Kand’ imisi yose bāshishikara kuja mu rusengero n’umutima uhūye, kand’ i wabo bāmanyagura umutsima, bakarya banezerewe n’imitima itagira akarohe,

1 Yohana 3:18

Bana bato, ntidukundane mu majambo canke ku rurimi, ariko dukundane mu vyo dukora no mu kuri.

Filipi 4:17

S’uko ndondera ingabire, ariko ndondera imbuto zigwiririkanya amaronko yanyu.

Filipi 4:4

Mwame munezererwa mu Mwami wacu imisi yose; ndabivuze ubugira kabiri: ni munezerwe.

Abaroma 5:2

yadushikanishije ukwizera mur’ ubu buntu duhagazemwo, kandi tunezerezwa no kwizigira kuzobona ubgiza bg’Imana.

Ivyakozwe 11:14

azokubarira amajambo yo kugukizanya n’abo mu nzu yawe bose.

Ivyakozwe 8:39

Bavuye mu mazi, Mpwemu w’Umwami Imana ajana Filipo, inkone ntiyasubira kumubona, kuko yashishikaye kugenda inezerewe.

Luka 19:6

Yururuka vuba, amwākīrana akanyamuneza.

Luka 15:32

arikw akanyamuneza no guhimbarwa biratubereye: kuko murumunāwe uyu yari yarapfuye, non’ arazutse; yari yarahavye, non’ arahabutse.

Luka 5:29

Lewi amurondereza izimano ryinshi mu nzu yiwe: kandi hār’ abantu benshi b’abatozakori n’abandi bicaranye na bo basangira.

Yesaya 61:10

Nzonezererwa cane Uhoraho, umutima wanje uvugirize impundu Imana yanje; kuko yanyambitse imyambaro y’agakiza, akansēsa hejuru umutamana w’ubugororotsi, nk’uk’ umukwe ashazisha igitsibo, kandi nk’uk’ umugeni ashazisha utugenegene twiwe.

Yesaya 55:12

Muzovayo muri n’umunezero, muzorōngōra amahoro muvayo: imisozi n’uturambi bizoturika biririmbire imbere yanyu, ibiti vyose vyo mw ishamba bizokoma amashi.

Galatiya 5:22

Arikw ivyo Mpwemu yama n’urukundo, umunezero, amahoro, ukwihangana, kugira neza, ingeso nziza, kuba umwizigirwa,

Ivyakozwe 16:15

Amaze kubatizanywa n’abo mu nzu yiwe, aratwinginga, at’ Asangwa mubonye nd’uwizeye Umwami Yesu, ni muze i wanje, musembereho. Aratugōbēra.

Ivyakozwe 16:35

Ijoro rikeye, abacamanza batuma abagendanyi, bati Rekura abo bantu.