Ivyakozwe 16:27 - Bibliya Yera 1951 1967 (Burundi)

²⁷ Uwo murinzi yikanguye, abonye inzugi z’ibohero zuguruye, asokora inkota agira yiyahure, kuko yagira ngw imbohe zācitse.

Bibiliya mu Kirundi coroshe

²⁷ Umurinzi w’ibohero yikanguye asanga imiryango yose iruguruye, maze asokorora inkota ngo yiyice kuko yibaza ko imbohe zatorotse.

Ivyakozwe 16:27 Referans Kwoze

Ivyakozwe 12:19

Herode amurondeye amubuze, acunaguza abateramyi, avuga ko babajana kubica: maz’ ava i Yudaya amanuka i Kayisariya, agumayo.

Matayo 27:5

Aterera izo ntete z’ifeza ahēra h’urusengero, aragenda, arīmanika.

1 Abami 16:18

Maze Zimuri abonye ko batsinze igisagara, yitera mu munara wo mu rugo i bgami, yītuririramwo, arapfa,

2 Samweli 17:23

Ariko Ahitofeli abonye ko batemeye inama yiwe, ashira amatandiko ku ndogoba yiwe, afata inzira ataha i muhira mu gisagara c’i wabo; araheza aroranya ivyo mu rugo rwiwe, aca yiha umugozi. Nukw arapfa, bamuhamba mu mva ya se.

Abacamanza 9:54

Aca ahamagara umuhungu w’umusore amutwaje ibirwanishwa, ati Sokōra inkota yawe, umpohoshe, boye kuzovuga, ngo Yishwe n’umugore. Nuk’ uwo muhungu aramusogota, arapfa.

Ivyakozwe 16:28

Ariko Paulo asemerera n’ijwi rirenga, ati Ntiwigirire nabi, twese turi hano.

Ivyakozwe 16:36

Umurinzi w’imbohe abarira Paulo ayo majambo, at’ Abacamanza baratumye ngo murekurwe, nuko rero ni musohoke, mwīgīre amahoro.