Ivyakozwe 13:36 - Bibliya Yera 1951 1967 (Burundi)

³⁶ Yamara Dawidi mu gihe ciwe amaze gukora ivy’ Imana igomba, arasinzira, ahamvya ba sekuruza, arabora.

Bibiliya mu Kirundi coroshe

³⁶ Dawidi amaze gukora ivyo Imana igomba mu gihe ciwe, yarasinziriye, ahambwa hamwe na ba sekuruza, umubiri wiwe urabora.

Ivyakozwe 13:36 Referans Kwoze

Ivyakozwe 2:29

Bagabo bene Data, s’ikingora kubabarira mvyeruye ivya sogokuruza mukuru Dawidi, yuko yapfuye, agahambga, n’imva yiwe iri ngaha ino muri twebge na bugingo n’ubu.

1 Abami 2:10

Nuko Dawidi ahamvya ba sekuruza, bamuhamba ku murwa i we.

Ivyakozwe 13:22

Imukūye, ibahagurukiriza Dawidi kuba umwami wabo, imushingira intahe, iti Mbonye Dawidi mwene Isayi umuntu ameze nk’uk’ umutima wanje ugomba, azokora ivyo ngomba vyose.

2 Samweli 7:12

Uti Kand’ imisi yawe ni yashika, ugahamvya ba sogokuruza, ut’ Azokwimika umwana wawe wivyariye, agusubirire mu gishingo, uti Kand’ azokomeza ingoma yiwe.

1 Ivyo ku Ngoma 18:14

Nuko Dawidi yaganza Abisirayeli bose, agacira abantu biwe bose imanza ziroranye.

1 Korinto 15:18

Kand’ asangwa bimeze birtyo, n’abāsinziririye muri Kristo barayogeye.

1 Korinto 15:6

akongera akiyerekera hamwe bene Data basāga amajana atanu, mur’ abo abenshi baracariho n’ubu, ariko bamwe bārasinziriye:

Yohana 11:39

Yesu aravuga, ati Ni mukūreh’ iryo buye. Marita mushiki w’uwapfuye, aramubgira, ati Mugenzi, ereg’ ubu aramaze kunuka, kw amaze imisi ine.

Zaburi 49:14

Bacūrirwa i kuzimu nk’umukuku w’intama, Rupfu azobaragira: Abatunganye bukeye bazobaganza; Ubgiza bgabo i kuzimu hazobuhabga ngo habumare, ntibugire aho kuba.

Zaburi 49:9

Nta womucungura ngw az’ abeho ibihe vyose, Yoye kubona rwa rwobo.

Yobu 21:26

Bompi baryamana mu mukungugu, Inyo zikaborosa.

Yobu 17:14

Nkaba mbariye rwa rwobo, nti Ni wewe data, Nkabarira n’inyo, nti Ni wewe mama, kand’ ukaba na mushikanje;

2 Ivyo ku Ngoma 26:23

Nuko Uziya ahamvya ba sekuruza, bamuhamba hamwe na bo; mugabo bamushira ukwiwe mw itongo rihambgamw’ abami, kuko bāvuga kw ar’ umunyamibembe. Maz’ uwo muhungu wiwe Yotamu asubira ku ngoma yiwe.

2 Ivyo ku Ngoma 21:1

Maze Yehoshafati ahamvya ba sekuruza, ahambga hamwe na bo ku murwa wa Dawidi; maz’ umuhungu wiwe Yehoramu asubira ku ngoma yiwe.

2 Ivyo ku Ngoma 12:16

Nuko Rehobowamu ahamvya ba sekuruza, ahambga ku murwa wa Dawidi; maz’ umuhungu wiwe Abiya asubira ku ngoma yiwe.

2 Ivyo ku Ngoma 9:31

Nuko Salomo ahamvya ba sekuruza, bamuhamba ku murwa wa se Dawidi; maz’ umwana wiwe Rehobowamu asubira ku ngoma yiwe.

1 Ivyo ku Ngoma 17:11

Uti Hanyuma imisi yawe ni yashika, ukaja kwisangira ba sogokuruza, ut’ Azokwimika umwe mu bana bawe, agusubirire mu gishingo, uti Kand’ azokomeza ingoma yiwe.

Itanguriro 3:19

kwirirwa urabira akuya ni kwo kuzoguhesha ivyo kurya uz’ urinde usubira mw ivu, kukw ari ryo wakūwemwo: ur’umukungugu, kand’ umukungugu ni wo uzosubiramwo.

1 Tesalonike 4:13

Ariko bene Data, ntitugomba ko muyoberwa ivy’ abasinzira itiro ry’urupfu, ngo ntimubabare nka ba bandi badafise ivyizigiro.

Ivyakozwe 20:27

kuko ntacishije i ruhande mbabgira ivy’ Imana yagabiye vyose.

Ivyakozwe 7:60

Araheza arapfukama, asemerera n’ijwi rirenga, ati Mwami, ntubaharūrekw iki caha. Amaze kuvuga artyo, aca aracīkāna. Kandi Sauli na we yarabishimye ko yicwa.

1 Ivyo ku Ngoma 11:2

Kandi mu bihe vya kera, hamwe Sauli yar’ umwami, ni wewe wajana Abisirayeli gutabara, mugatabarukana. Kand’ Uhoraho Imana yawe yarakubgiye kw ari wewe uzoragira abantu biwe b’Abisirayeli, kandi k’uzoba segaba wabo.

1 Ivyo ku Ngoma 29:28

Atanga yīsāziye neza, ageze mu zabukuru, ar’ umutunzi n’umunyacubahiro; maz’ umuhungu wiwe Salomo asubira ku ngoma yiwe.

Ivyakozwe 8:1

Bahēra kur’ uwo musi bahama cane ishengero ry’i Yerusalemu: bose basābagirira mu bihugu vy’i Yudaya n’i Samariya, ukūyemw’ intumwa gusa.

Matayo 25:16

Uwo mwanya uwahawe italanto zitanu aragenda arazicurūza, yungukamw’ izindi talanto zitanu.