Ivyakozwe 12:20 - Bibliya Yera 1951 1967 (Burundi)

²⁰ Maz’ ashāmira abo muri Tiro n’i Sidoni, na bo bahūza inama, baja kuri we, bahongera Bulasito, umukuru w’abagaranzurira umwami, basaba impore, kukw igihugu cabo casuma mu gihugu c’uwo mwami.

Bibiliya mu Kirundi coroshe

²⁰ Yari yamye atumvikana n’abantu b’i Tiro n’i Sidoni, maze na bo baja hamwe bamusaba umubonano. Bafashijwe na Bulasito, umukuru w’abategura icumba c’umwami, basaba kugiranira amasezerano y’amahoro, kuko ivyo bihugu vyasumira mu bwami Herode yatwara.

Ivyakozwe 12:20 Referans Kwoze

Ezira 3:7

Kandi bagerera abubatsi n’ababaji amahera, ab’i Sidoni n’ab’i Tiro babagerera ivyo kurya n’ibinyobga n’ amavuta, kugira ngo bazane ibiti vy’amasederi, babikūre i Lebanoni babizane ku kiyaga babishikane i Yopa, bakurikiye ibgirizwa ryashinzwe na Kuro Umwami w’i Buperesi.

EZEKIYELI 27:17

N’ab’i Buyuda bo n’abo mu gihugu c’i Bgisirayeli bādandaza nawe: bākāba ivyawe ingano ziva i Miniti, n’ibishashara, n’ubūki, n’amavuta ya elayo, n’ umuti wo gusomōra.

Luka 16:8

Nuko shebuja ashima uwo mubgiriza agabitanya, kuko yakoze ivy’ ubgenge: kukw abana b’iki gihe bagira ubgenge mu vy’ubu bugingo kurusha abana b’umuco.

Umusiguzi 10:4

Uburake bg’ūganza ni bgakugurumanira, ntutirimuke ah’ uri; kuko kwiyorosha gutesha ibicumuro bikomeye.

Imigani 25:8

Ntukihutire kubūrana, Uburuhiro ntuz’ usange waguye mu rudubi, Mugenzawe amaze kukumāramāza.

Imigani 17:14

Gutangura imitongano ni nko kugomorora amazi, Nuko reka ibirake utarasinda.

2 Ivyo ku Ngoma 2:15

None rero za ngano na sayiri n’amavuta ya elayo na vino, ivyo wavuze, nyakwubahwa, uz’ ubiturungikire,

2 Ivyo ku Ngoma 2:10

Uti Kand’ abo bantu bawe b’ababāji baca ibiti, azobaha ingero zitwa koro ibihumbi mirongwibiri z’ingano zisekuye, uti N’ingero ibihumbi mirongwibiri za sayiri, uti N’imibindi ya vino ibihumbi mirongwibiri, uti N’imibindi y’ amavuta ya elayo ibihumbi mirongwibiri nyene.

Yosuwa 19:29

maz’ urwo rubibe rugakevya rugaca i Rama, rugashika no ku gisagara c’i Tiro kizitijwe uruzitiro rw’amabuye; rugaheza rugakebereza i Hosa, rukagarukira ku kiyaga. Batwara na Mahalabu na Akizibu,

Itanguriro 10:19

Urugabano rw’Abanyakanani rwahēra i Sidoni, rukagenda rurābana n’i Gerari, rugashika i Gaza: rukagenda rurābana n’i Sodomu n’i Gomora n’i Adima n’i Seboyimu, rukagarukira i Lesha.

Itanguriro 10:15

Kanani yavyaye imfura yiwe Sidoni, akurikizako Heti:

Imigani 20:18

Imigabo yose ikomezwa n’ inama, Kandi mu kuja mu ntambara urōngōrwe n’inama y’ubgenge.

Ivyakozwe 12:21

Nuko ku musi washinzwe, Herode yambara impuzu z’ubgami, avyagira ku ntebe y’icubahiro, abacūrira amajambo.

Ivyakozwe 21:3

Tubonye i Kupuro tuhasiga i bumoso, tuja i Siriya, dufata muri Tiro: kukw ari ho bari bagabiye gukūrira ibintu mu bgato.

Ivyakozwe 21:7

Natwe turangije urugendo rwo kuva muri Tiro, dufata i Putolemayi, turamutsa bene Data, tumarana na bo umusi umwe.