Ivyakozwe 12:2 - Bibliya Yera 1951 1967 (Burundi)

² Yicisha inkota Yakobo mwene nyina wa Yohana.

Bibiliya mu Kirundi coroshe

² Nuko afata Yakobo, yavukana na Yohana, amwicisha inkota.

Ivyakozwe 12:2 Referans Kwoze

Abaheburayo 11:37

bicishijwe amabuye, bākerewemwo kubiri, bārageragejwe, bicishijwe inkota, bāyerera bambaye insāto z’intama n’iz’ impene, bāri baburaniwe, bababazwa, bagirirwa nabi,

Matayo 20:23

Arababgira, at’ Igikombe canje koko muzokinywerako, ariko gutanga ivyicaro i buryo bganje n’i bumoso, s’ivyanje, atar’ abo Data yabiteguriye.

Mariko 10:38

Maze Yesu arabishura, ati Ntimuzi ico musaba. Mwoshobora kunywera ku gikombe nnywerako, canke kubatizwa umubatizo mbatizwa jewe?

Mariko 10:35

Yakobo na Yohana bene Zebedayo baramwēgēra baramubgira, bati Mwigisha, turagomba k’uduha ico tugusaba cose.

1 Abami 19:10

Na we arishura, ati Nagize ishaka ryinshi ryawe, Uhoraho Mana Nyen’ ingabo; kukw Abisirayeli bavuye mw isezerano ryawe, bagahomvagura ibicaniro vyawe, kandi bicishije inkota abavugishwa nawe; ni jewe jenyene nsigaye, nanje nyene barangenza ngo banyice.

1 Abami 19:1

Maze Ahabu adondera Yezebeli ivyo Eliya yakoze vyose, n’ingene yicishije inkota ba kamenyi bose.

Yeremiya 26:23

bakwega Uriya bamukūra muri Egiputa, bamuzanira umwami Yehoyakimu: amwicisha inkota, ashiburira umuvyimba wiwe mu mva z’ abantu ba nyarucari.

Mariko 10:39

Baramwishura, bati Turashobora. Yesu arababgira, at’ Igikombe nnywerako, muzokinywerako, kandi muzobatizwa umubatizo mbatizwa jewe.

Ivyakozwe 12:1

Maze nko mur’ ico gihe umwami Herode ata mu maboko bamwe bo mw ishengero ngw abagirire nabi.