Ivyakozwe 11:30 - Bibliya Yera 1951 1967 (Burundi)

³⁰ Babigenza bartyo, babirungikira abakuru, bijanye Barunaba na Sauli.

Bibiliya mu Kirundi coroshe

³⁰ Nuko barabishitsa, barungikira infashanyo zabo abakuru b’ishengero ry’i Yerusalemu, zitwawe na Baranaba na Sawuli.

Ivyakozwe 11:30 Referans Kwoze

Ivyakozwe 14:23

Kandi bamaze kubatorera abakuru mu mashengero yose, no gusenga bisonzesha, babaragiza Umwami Yesu, uwo bizeye.

Ivyakozwe 12:25

Kandi Barunaba na Sauli bava i Yerusalemu, basubira inyuma, bashikirije ivyāgabuwe, bajana Yohana, ari we Mariko.

Yakobo 5:14

muri mwebge namba harih’ ūrwaye, n’atumekw abashingantahe b’ishengero, baze kumusengera, bamusīge amavuta ya elayo mw izina ry’Umwami wacu.

Tito 1:5

Icatumye ngusiga i Kirete kwar’ ukugira ng’ utunganye ivyasigaye, kandi mu gisagara caho cose ng’ uhashinge abakuru b’ishengero, nk’uko nabikubariye:

1 Timoteyo 5:17

Abakuru b’ishengero baganza neza ni babiyumvire ko bakwiye guhabga icubahiro kirushiriza, kandi cane‐cane abacumukura mu kuvuga ijambo ry’Imana no mu kwigisha.

Ivyakozwe 20:17

Ar’i Mileto atuma muri Efeso, atumakw abakuru b’ishengero.

Ivyakozwe 16:4

Bariko baraca mu bisagara, bagenda bababgira ivyo intumwa n’abakuru b’i Yerusalemu bāshinze, ngo bavyitondere.

Ivyakozwe 15:6

Nukw intumwa n’abakuru bakoranira hamwe kuja inama y’iryo jambo.

Ivyakozwe 15:4

Bashitse i Yerusalemu, ishengero n’intumwa n’abakuru barabākīra, na bo babīgānira ivy’ Imana yakoranye na bo vyose.

1 Petero 5:1

Abashingantahe b’ishengero bo muri mwebge ndabahanūra, kuko nanje nd’ umushingantahe mugenzi wanyu, kandi nd’ icabona c’imibabaro Kristo yababajwe, kandi mfatanije namwe ubgiza buzohishurwa.

2 Yohana 1:1

Jewe umushingantahe ndakwandikiye, mukamakare watoranijwe, mwe n’abana bawe abo nkunda vy’ukuri; kandi si jewe jenyene mbakunda, ariko n’abazi ukuri bose barabakunda,

1 Timoteyo 5:19

Umukuru ntukemere ico bazomukuregako hatabonetse ivyabona bibiri canke bitatu.

Ivyakozwe 21:18

Bukeye bg’aho Paulo yinjirana natwe kwa Yakobo, abakuru bose ni ho bāri bari.

Ivyakozwe 15:23

bandika icete, barakibarungikana, canditswe girtya, ngw Intumwa na bene Data bakuru turabatasha mwebge bene Data bo mu banyamahanga bari muri Antiyokiya n’i Siriya n’i Kilikiya.

Ivyakozwe 15:2

Maze Paulo na Barunaba bamaze kugira ibihāri n’imibūrano itari mike n’abo bantu, abaho bahūza inama gutuma Paulo na Barunaba n’abandi bamwe bo muri bo, ngo baje i Yerusalemu ku ntumwa n’abakuru kubg’ iyo mibūrano.

Ivyakozwe 4:36

Na Yosefu, uwo intumwa zise Barunaba, risobanurwa ng’Umwana wo guhanūra, Umulewi yavukiye i Kupuro,

Ivyakozwe 12:1

Maze nko mur’ ico gihe umwami Herode ata mu maboko bamwe bo mw ishengero ngw abagirire nabi.

1 Timoteyo 4:14

Ntiwanjanjwe ku ngabire iri muri wewe, imwe waheshwa n’ivy’ abavugishwa n’Imana mu kurambikwakw ibiganza vy’abakuru.

3 Yohana 1:1

Jewe umushingantahe ndakwandikiye Gayo umukundwa, nkunda vy’ukuri.