Ivyakozwe 10:32 - Bibliya Yera 1951 1967 (Burundi)

³² Nuko tuma i Yopa, utumeko Simoni ari we Petero: asembereye mu rugo kwa Simoni umuhazi w’insāto, i ruhande y’ikiyaga.

Bibiliya mu Kirundi coroshe

³² Tumako Simoni bita Petero, ari i Yopa. Asembereye mu nzu kwa Simoni akora ibijanye no gutunganya insato, aba ku nkengera y’ikiyaga.’

Ivyakozwe 10:32 Referans Kwoze

Yohana 4:9

Uno Musamariyakazi aramubaza, ati Wewe ur’ Umuyuda, non’ unsaba amazi ute, jewe nd’ Umusamariyakazi? (Ni kukw Abayuda n’Abasamariya bānēnana.)

Yohana 18:28

Bakūra Yesu kwa Kayafa, bamujana mw iboma: hāri mu mutwenzi. Arik’ ubgabo ntibinjira mw iboma, ngo boye kwihumanya, kugira ngo babone ingene barya Pasika.

Ivyakozwe 10:31

arambgira, ati Koruneliyo, ugusenga kwawe kwarumviswe, n’ubuntu bgawe bgibutswe imbere y’Imana.

Ivyakozwe 10:33

Uwo mwanya nca ndagutumako rero, nawe urayobotse k’uje. None rero twese turi hano imbere y’Imana, kwumva ivy’ Umwami Imana yakugeze kutubgira vyose.

Ivyakozwe 11:3

bati Ko winjiriye abatākebge, ugasangira na bo!

2 Ivyo ku Ngoma 2:16

natwe tuzohumbira ibiti i Lebanoni, ivy’ uzogomba vyose; tuzobikurungikira tubitēkeye imbambo, tubicishe mu kiyaga bishike i Yopa; nawe uz’ ubidūganishe i Yerusalemu.

Mika 4:2

Amahanga menshi azojayo, abarirane, ati Ni muze tudūge, tuje ku murwa w’Uhoraho, mk ngoro y’Imana ya Yakobo, kugira ngw itwigishe ivy’ inzira zayo, natwe tuzigenderemwo; kukw i Siyoni ari ho hazova ivyagezwe, n’i Yerusalemu hakava ijambo ry’Uhoraho.

Ivyakozwe 9:6

ariko va hasi, ushike mu gisagara, uzobarirwa ivy’ ukwiye gukora.

Ivyakozwe 9:43

Maz’ amara imisi myinshi i Yopa, kwa Simoni umuhazi w’insāto.

Ivyakozwe 10:5

None rero tuma abantu i Yopa, utumek’ umuntu yitwa Simoni, ari we Petero;

Ivyakozwe 11:14

azokubarira amajambo yo kugukizanya n’abo mu nzu yawe bose.

Ivyakozwe 15:7

Habaye imibūrano myinshi, Petero ava hasi, arababgira, ati Bagabo bene Data, murazi yuko kera Imana yantoranije muri mwebge kugira ngo mu kanwa kanje abe ari ho abanyamahanga bumva ijambo ry’ubutumwa bgiza, bizere.

Ivyakozwe 16:9

Maze Paulo mw ijoro arota inzozi, abona umugabo w’i Makedoniya ahagaze amwinginga, ati Jabuka uze i Makedoniya, udutabare.