Ivyakozwe 1:12 - Bibliya Yera 1951 1967 (Burundi)

¹² Buno basubira i Yerusalemu, bavuye ku musozi witwa Elayono, uri hafi y’i Yerusalemu nk’urugendo rwemewe kugendwa kw’ isabato.

Bibiliya mu Kirundi coroshe

¹² Nuko baca bava kuri uwo Musozi wa Elayono, basubira i Yerusalemu; ni urugendo rungana hafi ikilometero kimwe.

Ivyakozwe 1:12 Referans Kwoze

Luka 24:52

Na bo baramusenga, basubira i Yerusalemu bafise akanyamuneza kenshi,

Matayo 21:1

Bageze hafi y’i Yerusalemu, bashikira i Betifage ku musozi wa Elayono, Yesu atuma abigishwa babiri,

Luka 24:50

Abavanaho, abashitsa aharābana n’i Betaniya, aterura amaboko, arabahezagira.

Yohana 11:18

I Betaniya hāri hafi y’i Yerusalemu nka stadiyo cumi na zitanu.

Luka 21:37

Imisi yose Yesu yirirwa mu rusengero yigisha, ariko bgira, agasohoka, akaja kurāra ku musozi witwa Elayono.

Matayo 26:30

Bahejeje kuririmba, barasohoka baja ku musozi wa Elayono.

Matayo 24:3

Yicaye ku musozi wa Elayono, abigishwa biwe baramwēgēra bihereranye, baramubaza, bati Tubgire, ivyo bizobaho ryari, kand’ ikimenyetso kizoba iki c’ukuza kwawe n’ic’ umuhero w’isi?

Zekariya 14:4

Kur’ uwo musi azohagarika ibirenge ku musozi Elayono werekeye i Yerusalemu ahahera i burasirazuba; uwo musozi Elayono uzotemukamwo kubiri uhereye aherekeye i burasirazuba ugashitsa aherekeye i burengerazuba; uzocikamw’ uruhomoka runini cane; igihimba c’uwo musozi kizokwikumira i burārūko, ikindi cikumire i bumanuko.

Luka 19:29

Ageze hafi y’i Betifage n’i Betaniya, ku musozi witwa Elayono, atuma babiri bo mu bigishwa,

Matayo 24:20

Kandi muze musenge kugira ng’ uruhungo rwanyu ntiruze rube mu rushana canke kw isabato.