Ivyahishuwe 8:11 - Bibliya Yera 1951 1967 (Burundi)

¹¹ Iyo nyenyeri yitwa Mururazi. Ikigira gatatu c’amazi gihinduka umururazi, abantu benshi bicwa n’ayo mazi, kuko yarurishijwe.

Bibiliya mu Kirundi coroshe

¹¹ Izina ry’ico kinyenyeri ni Mururazi. Maze ica gatatu c’amazi yose aca ahinduka umururazi, kandi abantu benshi banyoye ayo mazi y’umururazi barapfa.

Ivyahishuwe 8:11 Referans Kwoze

Yeremiya 23:15

Nuko rero, uku ni k’Uhoraho Nyen’ ingabo agize ku vya ba kamenyi: at’ Ehe rāba, nzobagaburira ivy’ umururazi, nzobanywesha amazi y’ubumara: kukw ibihumanya vyasāvye igihugu cose, biturutse kuri ba kamenyi b’i Yerusalemu.

Yeremiya 9:15

nuko rero, uku ni k’Uhoraho Nyen’ ingabo agize, ni we Mana y’Abisirayeli, ati Rāba, aba bantu nzobagaburira ivy’ umururazi, mbahe amazi y’ubumara ngo bayanywe.

Gusubira mu Vyagezwe 29:18

Muri mwebge ntihaze hagire ūkūra umutima k’Uhoraho Imana yacu, ngw aje gusaba imana z’ayo mahanga, ar’ umugabo cank’ umugore cank’ inzu cank’ umuryango; kugira ngo muri mwebge hoye kuba umuzi uzana ibamba n’umururazi.

Amosi 6:12

Mbeg’ amafarasi yokwiruka ku rutare? Canke har’ uwoharimisha inka? Ariko mweho imanza ziroranye mwāzihinduye ibamba, n’imbuto z’ukugororoka mwāzihinduye umururazi,

Amosi 5:7

Yemwe abahindura imanza zigacika umururazi, ukugororoka mukagushiburira hasi,

GUCURA INTIMBA 3:19

Ibuka umubabaro wanje n’ intuntu yanje, umururazi n’ indurwe.

Imigani 5:4

Arikw iherezo ryiwe rirura nk’umururazi, Rikarishe nk’ubūgi bg’inkota.

Ivyahishuwe 8:7

Uwa mbere aravuza. Haza urubura n’umuriro bivanze n’amaraso, bishiburirwa mw isi. Ikigira gatatu c’isi kirasha, ikigira gatatu c’ibiti kirasha, ivyatsi bibisi vyose birasha.

Abaheburayo 12:15

mwizigame, ntihagire umuntu adashikīra ubuntu bg’Imana, kandi ntihagire umuzi wo kurura umera, ukabahagarika imitima, abenshi bakāndura,

GUCURA INTIMBA 3:5

Yaranziguje, ankikiza indurwe n’umubabaro.

Rusi 1:20

Arabishura, ati Ntimube mukinyita Nawomi, ariko munyite Mara; kuko Rugira Vyose ivyo yangiriye vyambereye umururāzi.

Kuvayo 15:23

Bashitse i Mara, ntibāshobora kunywa amazi yaho, kuko yar’ umururazi; ni co catumye hitwa Mara.

Zekariya 13:8

Mur’ ico gihugu cose, ni k’Uhoraho agize, ibice bibiri vyo muri co bizorandurwa bipfe, arikw ica gatatu kizosigazwaho.

Zekariya 13:9

Kand’ ico gice ca gatatu nzobacisha mu muriro wo mu ruganda, mbakūremw’ inkamba nk’uko bazikūra mw ifeza, mbageragereshe kubavugutira, nk’uko bagerageza izahabu: bazokwambaza izina ryanje, nanje nzobumva; nzovuga, nt’ Abo n’abantu banje, na bo bazovuga, bat’ Uhoraho ni we Mana yanje.

Ivyahishuwe 9:15

Abo bamarayika bane, bari biteguriwe iyo saha n’uwo musi n’ukwo kwezi n’uwo mwaka, babohorerwa kwica ikigira gatatu c’abantu.

Ivyahishuwe 9:18

Ikigira gatatu c’abantu cicwa n’ivyo vyago, ukw ari bitatu, umuriro n’umwotsi n’amazuku, bivuye mu kanwa kayo.

Ivyahishuwe 12:4

Umurizo waco ukwega ikigira gatatu c’inyenyeri zo kw ijuru, uzishiburira kw isi. Ico gisato gihagarara imbere y’uwo mugore agira avyare, kugira ngo ni yavyara kirotse umwana wiwe.