Ivyahishuwe 22:12 - Bibliya Yera 1951 1967 (Burundi)

¹² Ehe ndaza vuba, nzanye ingero, kugira ngo ngerere umuntu wese ibikwiranye n’ivyo yakoze.

Bibiliya mu Kirundi coroshe

¹² “Ehe ndaza vuba, nzaniye impera umuntu wese ikwiranye n’ivyo yakoze.

Ivyahishuwe 22:12 Referans Kwoze

Matayo 16:27

Kuk’ Umwana w’umuntu azohava aza afise ubgiza bga Se, azananye n’abamarayika biwe; ni ho azoca yishura umuntu wese ibikwiranye n’ivyo yakoze.

Yesaya 62:11

Rāba, Uhoraho yabariye abo ku mpera y’isi, ati Ni mubgire umukobga w’i Siyoni, muti Rāba, agakiza kawe karaje; rāba, araje azanye impēra, kand’ inyishu yiwe ir’imbere yiwe.

Yesaya 40:10

Eh’ Uhoraho Imana azoza afise ubushobozi, kand’ ukuboko kwiwe kuzomutwarira: rāba, azoza azanye impēra, kand’ inyishu yiwe ir’ imbere yiwe.

1 Korinto 3:14

Igikorwa c’umuntu, ico yubatse kur’ iryo tanguriro, ni carama, azohabga ingero;

1 Korinto 3:8

Ūzitera n’ūzivomera ni bamwe: arik’ umuntu wese azogererwa nk’uko yakoze igikorwa ciwe.

Ivyahishuwe 22:7

Kand’ ehe ndaza vuba. Hahirwa uwitondera amajambo yavugishijwe yo mur’ iki gitabo.

Abaroma 14:12

Nuko rero, umuntu wese muri twebge azobazwa n’Imana ivyo yakoze.

Ivyahishuwe 11:18

Kand’ amahanga araraka, uburake bgawe buraza, igihe co guciramw’ amateka abapfuye kirashika, n’ico kugereramw’ abasavyi bawe, ni bo bavugishwa nawe, no kugerera abera n’abubaha izina ryawe, aboroshe n’abahambaye, n’ico guhonerezamw’ abahonnya isi.

Ivyahishuwe 20:12

Mbona abapfuye, abahambaye n’aboroshe, bahagaze imbere y’iyo ntebe; ibitabo birazingururwa. Kand’ ikindi gitabo kirazingururwa, ni co gitabo c’ubugingo. Abapfuye bacirwa imanza z’ivyanditswe mur’ ivyo bitabo, zikwiranye n’ivyo bakoze.

Ivyahishuwe 22:20

Ūshingira intahe ivyo, aravuga, at’ Ego me, ndaza vuba. Amen, urakaza, Mwami Yesu.

Zefaniya 1:14

Umusi uhambaye w’Uhoraho uri hafi; uri hafi kand’ urihuta; umusi w’Uhoraho, guhinda kwawo kurumvikana; umuhizi araborogana intuntu.

Yobu 34:11

Kuk’ umuntu izomusubiriza mu nkōko ibihwanye n’ igikorwa ciwe, Izotuma umuntu wese abona ibihwanye n’ingeso ziwe.

Zaburi 28:4

Ubahe ibikwiranye n’ivyo bākoze, ibikwiranye n’ivyo bāgabitanije, Ubahe ibikwiranye n’ibikorwa vy’amaboko yabo: Ubasubirize mu nkōko nk’ uko bibakwiye.

Yeremiya 17:10

Ni jewe Uhoraho nsesa umutima, nkagerageza umushaha, kugira ngo ngerere umuntu wese ibikwiranye n’ingeso ziwe, n’ibikwiranye n’ivy’ ibikorwa vyiwe vyeze.

Ivyahishuwe 2:23

Kandi n’abana biwe nzobicisha urupfu, kand’ amashengero yose azomenya yukw ari jewe nsesa mu mishaha no mu mitima, kandi nzokwishura umuntu wese wo muri mwebge ibihwanye n’ivyo mwakoze.

Ivyahishuwe 3:11

Ngira nze vuba: wumire ku co ufise, ntihagire ūgutwara igitsibo cawe.