Ivyahishuwe 21:26 - Bibliya Yera 1951 1967 (Burundi)

²⁶ Kandi bazozanay’ ubgiza n’icubahiro vy’amahanga.

Bibiliya mu Kirundi coroshe

²⁶ Ubwiza n’icubahiro vy’amahanga bizozanwa muri co.

Ivyahishuwe 21:26 Referans Kwoze

Ivyahishuwe 21:24

Kand’ amahanga azogendera mu muco wawo, abami bo kw isi bazozanay’ ubgiza bgabo.

Zaburi 72:10

Abami b’i Tarushishi n’abo ku bizinga vyo mu kiyaga bazozana amashikanwa, Abami b’i Sheba n’ab’i Seba bazogorora ingorore.

Yesaya 49:23

Kand’ abami bazokubera ba se babakurerera, n’abamikazi babo bazokubera ba nyina babakwonkereza; bazokwikubita imbere bubamye hasi, barigate umukungugu wo ku birenge vyawe; nawe uzomenya ko nd’ Uhoraho, kand’ abanyiteze ntibazomāramāra.

Yesaya 60:11

Amarembo yawe azokwama yuguruye, ntazokwugarirwa ku murango canke mw ijoro, kugira ngw abantu bakuzanire ubutunzi bg’amahanga, bo n’abami bayo babashoreye.

Yesaya 60:16

Kand’ uzokwonka amaberebere y’amahanga, uzokwonka amabere y’abami, kand’ uzomenya yuko jewe, Uhoraho, nd’ Umukiza wawe n’ Umucunguzi wawe, Inyenkomezi ya Yakobo.