Ivyahishuwe 21:16 - Bibliya Yera 1951 1967 (Burundi)

¹⁶ Uwo murwa ungana impande zose, uburebure bungana n’ubgaguke. Ageresha uwo murwa rya renga, ageramwo stadiyo ibihumbi cumi na bibiri: uburebure bg’umurambararo n’ubgaguke n’uburebure bg’igihagararo birangana.

Bibiliya mu Kirundi coroshe

¹⁶ Igisagara cari kimeze nka kwadarato, uburebure n’ubwaguke vyarangana. Apimye igisagara asanga gifise nk’ibirometero ibihumbi bibiri n’amajana ane vy’ubwaguke, n’ibirometero ibihumbi bibiri n’amajana ane vy’uburebure.

Ivyahishuwe 21:16 Referans Kwoze

EZEKIYELI 48:35

Kuhakikuza n’amatambge ibihumbi cumi n’umunani y’ukuboko uciriye mu nkokora: kand’ uhereye uwo musi izina ry’ico gisagara rizokwitwa ng’ Uhoraho ni ho aba.

EZEKIYELI 42:20

Uko ni ko yageze izo mpande ukw ari zine: urugo rwari ruhakikuje impande zose, uburebure bgarwo bgar’ amatambge amajana atanu, n’ubgaguke bgarwo yandi majana atanu nyene; urwo rugo rwar’ urwo gutandukanya ahēra n’ahatar’ ahēra.

Ivyahishuwe 21:15

Uwavugana nanje yar’ afise irenga ry’izahabu ry’ikigeresho, kugira ngw agere uwo murwa n’ibirimba vyawo n’urugo rwawo.

Ivyahishuwe 21:17

Agera urugo rwawo, rushikana amatambge ijana na mirongwine n’ane, y’ukuboko uciriye mu nkokora, nk’ukw itambge ritambishwa ukuboko kw’umuntu ringana, ni kw iry’ umumarayika ringana.

EZEKIYELI 41:4

Agera n’uburebure bgaho bg’ umurambararo, buba amatambge mirongwibiri, n’ubgaguke buba mirongwibiri nyene, aharābana n’ahēra h’urusengero: maz’ arambarira, at’ Aha n’Ahēra Cane.