Ivyahishuwe 19:1 - Bibliya Yera 1951 1967 (Burundi)

¹ Hanyuma y’ivyo numva mw ijuru ikimeze nk’ijwi rirenga ry’ishengero ryinshi, riti Haleluya; agakiza n’ubgiza n’ububasha n’ivy’ Imana yacu,

Bibiliya mu Kirundi coroshe

¹ Inyuma y’ivyo nca numva amajwi asamirana mw’ijuru ameze nk’ay’abantu amasinzi n’amasinzi, asemerera ati: “Haleluya! Agakiza, icubahiro n’ubushobozi, ni ivy’Imana yacu,

Ivyahishuwe 19:1 Referans Kwoze

Ivyahishuwe 11:15

Umumarayika w’indwi avuza inzamba: mw ijuru hakurikira amajwi arenga, at’ Ubgami bg’isi buhindutse ubg’ Umwami wacu n’ubga Kristo wiwe, kand’ azohora ahangamye ibihe bitazoshira.

1 Ivyo ku Ngoma 29:11

Uhoraho, ubukuru n’ubushobozi n’icubahiro n’ inganji n’igitinyiro n’ivyawe; kukw ibiri mw ijuru n’ibiri mw isi vyose ar’ ivyawe; ubgami n’ubgawe, ewe Uhoraho, kandi ni wewe ushizwe hejuru ng’ube ūsumba vyose.

Matayo 6:13

kandi ntutujane mu bitwosha nabi, arik’ udukize wa Mubi. [Kuk’ ubgami n’ubushobozi n’icubahiro ar’ ivyawe ibihe bidashira. Amen.]

Ivyahishuwe 19:6

Numva ikimeze nk’ijwi ry’ishengero rinini, n’ikimeze nk’ugusūma kw’amazi menshi, n’ikimeze nk’ijwi ry’imituragaro ihambaye, kivuga, kiti Haleluya, kuk’ Umwami Imana yacu ishobora vyose ihangamye.

Ivyahishuwe 12:10

Mw ijuru numva ijwi rirenga, riti Noneh’ agakiza karashitse, gashikanye n’ubushobozi n’ubgami bg’Imana yacu n’ububasha bga Kristo wayo: kuk’ Umurezi wa bene Data akororewe hasi, yahora abarega ku murango no mw ijoro imbere y’Imana yacu.

Zaburi 148:1

Haleluya! Mw ijuru ni mushime Uhoraho: Ni mumushimire ahasumba ijuru.

Yona 2:9

Ariko jeho nzogushikanira ikimazi nsēsereza impundu, Kandi nzoshitsa ivyo nasezeranye. Agakiza kava k’Uhoraho.

Zaburi 150:1

Haleluya! Mushimire Imana ahēra hayo, Muyishimire no mw itāzānure ry’ubushobozi bgayo!

Zaburi 146:1

Haleluya! Mutima wanje, n’ushime Uhoraho.

Zaburi 115:18

Ariko tweho tuzohora dushemagiza Uhoraho, Uhereye none, ugashitsa ibihe vyose. Haleluya!

Zaburi 106:1

Haleluya! Ni mushimire Uhoraho yukw ari mwiza: Kukw imbabazi ziwe zamah’ ibihe bidashira.

Zaburi 3:8

Agakiza n’ak’ Uhoraho: Umugisha utanga ube ku bantu bawe. Sela.

Zaburi 149:1

Haleluya! Ni muririmbire Uhoraho indirimbo nsha, Muririmbire ishimwe ryiwe mw ikoraniro ry’abakunzi biwe.

Zaburi 111:1

Haleluya! Nzoshimisha Uhoraho umutima wanje wose Mw ikoraniro ry’abatunganye no mw ishengero ryabo.

Zaburi 62:11

Imana yavuze rimwe; Navyumvise kabiri; Ngw Imana ni yo ifise inganji:

Zaburi 104:35

Abanyavyaha ni bahone bashire mw isi: Ababi boye kubah’ ukundi. Mutima wanje, himbaza Uhoraho. Haleluya.

Yeremiya 51:48

Ni ho ijuru n’isi n’ibirimwo vyose bizoririmbishwa n’umunezero wo kwitamba kuri Babuloni; kukw abanyazi bazohāzira bavuye i burārūko, ni jewe Uhoraho mbivuze.