Ivyahishuwe 18:8 - Bibliya Yera 1951 1967 (Burundi)

⁸ ni co gituma ivyago vyiwe vyose bizoza ku musi umwe, urupfu n’amaborogo n’amapfa, kand’ azotongozwa umuriro: kuk’ Umwami Imana amuciriyekw iteka ar’ uw’ ubushobozi.

Bibiliya mu Kirundi coroshe

⁸ None rero ku musi umwe, kizohwikirwa n’ivyago: urupfu, ikigandaro n’ikigoyi. Kizotongorwa n’umuriro, kuko Umwami Imana agiciriye urubanza ari umunyabushobozi.”

Ivyahishuwe 18:8 Referans Kwoze

Yeremiya 50:34

Arik’ Umucunguzi wabo arakomeye: Uhoraho Nyen’ ingabo ni ryo zina ryiwe; azobītsa mu manza zabo, kugira ngw ahe isi kuruhuka, arikw atere ababa i Babuloni imitima ihagaze.

Yeremiya 50:31

Ehe tuzohigūra twe nawe, wa munyabgibone we, ni jewe Umwami Uhoraho Nyen’ ingabo mbivuze; kuk’ umusi wawe ushitse, ni wo gihe nkūziye.

Ivyahishuwe 17:16

Ya mahembe cumi wabonye na ca gikōko bizokwanka uwo maraya, bizomuzingazinga, bimukobe, birye inyama ziwe, bimutongoze umuriro.

Ivyahishuwe 18:19

Biyorera imikungugu ku mitwe, bataka barira baboroga, bati N’ibara, n’ibara, ca gisagara gihambaye, catungishije ubutunzi bgaco abafise amato yabo mu kiyaga bose, kuko cakomvowe mw isaha imwe!

1 Korinto 10:22

Cank’ Umwami tumutere ishari? Mbega tumurusha inkomezi?

Yeremiya 51:58

Uku ni k’Uhoraho Nyen’ ingabo agize, at’ Inzitiro zagutse z’i Babuloni zizosangangurwa rwose, n’amarembo yaho maremare atongozwe umuriro; kand’ amahanga azoba yar’ atamijwe n’ubusa, n’amoko azoba yar’ aruhijwe n’ibizoja mu muriro.

Yeremiya 51:6

Ni muhunge muve hagati muri Babuloni, umuntu wese yunzūre amagara yiwe; ntimuranduranwe na ho, muzira ibigabitanyo vyaho, kukw ar’ igihe c’uguhōra kw’Uhoraho, agira ahasubirize mu nkōko.

Ivyahishuwe 19:3

Rivuga ubugira kabiri, riti Haleluya. Kand’ umwotsi wiwe upfunduka ibihe bitazoshira.

Ivyahishuwe 18:17

kuk’ ubutunzi bungaho bukomvomvotse mw isaha imwe! Kandi nyen’ ubgato wese, n’umuntu wese ajabukirizwa mu bgato ahantu hose, n’abasoza, n’abatunzwe n’ikiyaga, bari bahagaze kure,

Ivyahishuwe 17:18

Umugore wabonye ni we ca gisagara gihambaye, kiganza abami bo kw isi.

Ivyahishuwe 11:17

bati Turagushimye, Mwami Mana ushobora vyose, uriho kandi wamyeho, kuko wābiriye ububasha bgawe buhambaye, ukima.

Zaburi 62:11

Imana yavuze rimwe; Navyumvise kabiri; Ngw Imana ni yo ifise inganji:

Yobu 9:19

Namba tuvuga inkomezi z’ umunyenkomezi, rāba na yo ni yo! Namba tuvuga ivyo kubūrana, ni nde yoyihamagaza?

Yesaya 27:1

Kur’ uwo musi Uhoraho azohanisha inkota yiwe ikarishe nini ikomeye Lewiyatani ca kiyoka kinyaruka, ni co Lewiyatani ca kiyoka cigonyonzora, kand’ azokwica ca gisato c’amahēro co mu kiyaga.

Yesaya 9:14

Ni co kizotuma Uhoraho azoca Abisirayeli umutwe n’umurizo, ishami ry’ikigazi n’umubere, ku musi umwe.

Yoweli 2:11

Maz’ Uhoraho akarangurura ijwi imbere y’ igitero ciwe, kukw ingabo ziwe zihambaye cane; ereg’ uwo yama ashitsa ijambo ryiwe n’uw’ ubushobozi! Kuk’ umusi w’Uhoraho ar’ ūhambaye kand’ uteye ubgoba cane: ni nde yoshobora kuwihanganira?