Ivyahishuwe 18:6 - Bibliya Yera 1951 1967 (Burundi)

⁶ Mumugirire ibihwanye n’ivyo yagiriye abandi, mumugerere kabiri ibikwiranye n’ivyo yakoze. Mu gakarabo yavangiyemwo, mumuvangiremwo kabiri.

Bibiliya mu Kirundi coroshe

⁶ Nimucishure ivyo cakoreye abandi, mugikorere incuro zibiri ivyo cakoze. Nimwuzuze igikombe canywesherejeko abandi inzoga iboreza incuro zibiri kurusha.

Ivyahishuwe 18:6 Referans Kwoze

Yeremiya 50:29

Ni muhamagare abarashi bakoranire kurwanya Babuloni, abazi gufora imiheto bose; musagaze hirya no hino yaho; ntihagire uwaho acika: muhīhōre ibikwiranye n’ibikorwa vyaho, muhasubirize mu nkōko ibikwiranye n’ivyo hākoze; kuko hinantaje k’Uhoraho, k’Uwera w’ Abisirayeli.

Zaburi 137:8

Ewe wa mukobga Babuloni, wa muranduzi we, Hazohirwa ūzogusubiriza mu nkōko Ibihwanye n’ivyo watugiriye!

Yeremiya 50:15

Muhīrahire mur’ irya n’ino; hazokoma amashi, ibihome bihakingiye bizotemba, inzitiro zaho zisangangurwe: kukw ar’ uguhōra kw’ Uhoraho; namwe muhīhōre; nk’ uko hakoze abe ari ko muhasubiriza mu nkōko.

Ivyahishuwe 16:19

Ca gisagara gihambaye kigabanywamwo gutatu, ibisagara vy’abanyamahanga birasenyuka. I Babuloni hahambaye hibukwa imbere y’Imana, ngo hahabge agakarabo ka vino y’uburake bgayo bg’inkazi.

Ivyahishuwe 14:10

uwo na we azonywa kuri vino, ni yo burake bg’Imana, yiteguwe idafunguye mu gakarabo k’uburake bgayo. Kand’ azobabarizwa n’umuriro n’amazuku imbere y’abamarayika bera n’imbere ya wa Mwagazi.

Yeremiya 51:24

Kand’ ab’ i Babuloni, bo n’ababa i Bukaludaya bose, nzobasubiriza mu nkōko ibibi vyabo vyose bākoreye i Siyoni mubona, ni jewe Uhoraho mbivuze.

Ivyahishuwe 17:4

Uwo mugore yambaye impuzu y’inyambarabami n’iy’ agahama, yari yisakaye izahabu n’utubuyenge tw’igiciro kinini n’imaragarita, afise igikombe c’izahabu mu minwe cuzuye ibihumanya n’imyanda y’ubusambanyi bgiwe.

Zekariya 9:12

Ni muhindukirire igihome gikomeye, mwa mbohe ziri n’ivyizigiro: no kur’ uyu musi ndababgira ukuri yuko nzobashumbusha ibihetangabo kabiri.

Yeremiya 17:18

Abampīga ni bamāramāre, ariko jeho noye kumāramāra; ni bacike ivutu, ariko jeho noye kuricika: ubashitseko wa musi w’ivyago, ubageseze umurengera.

Yeremiya 16:18

Ariko nzobanza kubahōra ibigabitanyo vyabo n’ivyaha vyabo ibihetangabo kabiri, kuko bāndurishije igihugu canje imivyimba y’ibimazi vyabo biteye ishishi, bakuzuza ishamvu yanje bga buyobe bgabo.

2 Timoteyo 4:14

Alekisandero umucuzi yangiriye inabi nyinshi. Umwami wacu azomwishura ibikwiranye n’ivyo yakoze.

Yeremiya 51:49

Nk’uko Babuloni hāhindikiranije abishwe b’Abisirayeli, ni kw i Babuloni hazohindikirana abishwe b’igihugu caho.

Ivyahishuwe 17:2

Uyo abami bo kw isi bāsambana na we, ababa kw isi bakaborerwa vino, ni zo busambanyi bgiwe.

Ivyahishuwe 13:10

Namb’ umuntu yagerewe gufatwa mpiri azofatwa mpiri; namb’ umuntu yicisha inkota akwiye kuzokwicishwa inkota. Aho ni ho ukwihangana kw’abera guserukira bo n’ukwizera kwabo.

Yesaya 40:2

Muremēshe imitima y’ab’i Yerusalemu, mubabgire musemerera yukw intambara zaho zabangurukanye, k’ umwenda w’igicumuro cabo ushize, kukw ivyaha vyabo vyose babihaniwe kabiri n’ukuboko kw’ Uhoraho.

Yesaya 61:7

Kubg’ ukumāramāra kwanyu muzoshumbushwa kabiri; mu gishingo co gutētērwa muzonezererwa umugabane wanyu: ni co gituma mu gihugu canyu muzoshumbushwa kabiri, mugire umunezero utazoshira.

Zaburi 28:4

Ubahe ibikwiranye n’ivyo bākoze, ibikwiranye n’ivyo bāgabitanije, Ubahe ibikwiranye n’ibikorwa vy’amaboko yabo: Ubasubirize mu nkōko nk’ uko bibakwiye.

Ivyahishuwe 18:20

Ni biguhimbare, wa juru, namwe abera n’intumwa n’abavugishwa n’Imana, kukw Imana igiciriyekw iteka, igihōra mwebge.

GUCURA INTIMBA 3:64

Uhoraho we, uzobasubiriza mu nkōko ibihwanye n’ibikorwa vy’amaboko yabo.