Ivyahishuwe 16:16 - Bibliya Yera 1951 1967 (Burundi)

¹⁶ Zibakoraniriza ahantu hitwa Haru‐Magedoni mu Giheburayo.

Bibiliya mu Kirundi coroshe

¹⁶ Maze zica zikoraniriza ba bami mu kibanza citwa Haramagedoni mu rurimi rw’Igiheburayo.

Ivyahishuwe 16:16 Referans Kwoze

Zekariya 12:11

Kur’ uwo musi hazoba umuborogo ukomeye i Yerusalemu, nka ya maborogo yabaye i Hadadi‐rimoni mu kiyaya c’i Megidoni.

Abacamanza 5:19

Abami baraza, bararwana; Abami b’i Kanani barwanira i Tanaki ku mazi y’i Megido, Ariko nta masahu y’ifeza bāronse.

Ivyahishuwe 9:11

Zifise umwami wazo, ni we mumarayika w’i kuzimu, mu Giheburayo yitwa Abadoni, mu Kigiriki yitwa Apoluwoni.

Ivyahishuwe 17:14

Abo bazorwanya Umwagazi w’Intama, uwo Mwagazi azobanesha, kukw ari we aganza abaganza n’Umwami w’abami, kand’ abari kumwe na we, bāhamagawe, bātoranijwe, bāyobotse, na bo bazobanesha.

Yohana 19:13

Nuko Pilato yumvise ayo magambo, asohora Yesu, yicara ku ntebe y’imanza, yar’ ahantu hitwa Musezero w’amabuye, mu Giheburayo hitwa Gabata.

Ivyakozwe 26:14

Twese twikubise hasi, numva ijwi rimbgira mu rurimi rw’Igiheburayo, riti Sauli, Sauli, umpīgira iki? Erega birakugoye gutera imigere ku mihunda.

Yohana 19:17

Avayo, yiyikorereye umusaraba, ashika ahantu hitwa Nyagihanga, mu Giheburayo hitwa Gologota;

Yohana 5:2

Kand’ i Yerusalemu hafi y’irembo ry’intama, hār’ ikidengeri, mu Giheburayo citwa Betesida, carikw amabaraza atanu.

Abacamanza 4:7

ngo Na we azokwegakwega Sisera, umugabisha w’ingabo za Yabina, agusange ku mugezi Kishoni n’imikogote yiwe n’ingabo ziwe, kandi ngw Azomugabura mu maboko yawe.

2 Ivyo ku Ngoma 35:22

Yamara Yosiya ntiyemera guhindukira ngw amureke, arikw ariyoberanya kugira ngw amurwanye, ntiyumvira amajambo ya Neko avuye ku Mana; barumanira mu kiyaya c’i Megido.