Ivyahishuwe 14:20 - Bibliya Yera 1951 1967 (Burundi)

²⁰ Ubgo bgato buganishirizwamw’ ibirenge inyuma ya ca gisagara, amaraso ava mu bgato, ashitsa stadiyo igihumbi n’amajana atandatu, agera ku mijiginya y’amafarasi.

Bibiliya mu Kirundi coroshe

²⁰ Izo nzabibu ziganirwa mu bwato buri inyuma y’igisagara, amaraso yazo araduga gushika ku minwa y’amafarasi, yongera arasanzara gushika nko ku birometero amajana atatu.

Ivyahishuwe 14:20 Referans Kwoze

GUCURA INTIMBA 1:15

Umwami Imana yatītūye abahizi banje bose bāba i wanje; Yarungitse abaza kungirirak’ umusi mukuru ngo bafyonyagure imisore yanje: Umwami Imana yahonyanze umukobga w’inkumi w’i Buyuda, nk’ūganira vino mu bgato.

Ivyahishuwe 11:8

Imivyimba yabo izogangarara mw ibarabara ryo mu gisagara kinini, ni co mu buryo bg’impwemu citwa Sodomu na Egiputa, kandi ni ho Umwami wabo yabambge.

Yesaya 66:24

Nuko bazosohoka baje kwitegereza imivyimba y’abangararije; kukw inyo zabo zitazopfa, kandi n’umuriro wabo ntuzime; kandi bazotera abantu bose ishishi.

Itanguriro 49:11

Aziritse inyana yiwe y’indogoba ku muzabibu, N’umukangara w’indogoba awuziritse ku muzabibu wiwe w’indobanurwa; Amesuza impuzu ziwe vino, Imyambaro yiwe ayimesuza amaraso y’inzabibu.

Gusubira mu Vyagezwe 32:14

Abaha n’amata y’urubu n’ amatāmatāma, N’ibinure vy’abana b’intama n’ivy’ amapfizi y’intama, N’amasho y’i Bashani, n’ impene, N’ingano zitengengeye nziza; Mwanyoye vino, ari yo maraso y’inzabibu.

EZEKIYELI 32:6

Kand’ igihugu ugenda wogamwo nzogitotesha amaraso yawe gushitsa no ku misozi miremire; n’ibihoro vy’imigezi bizokwuzura wewe.

Yoweli 3:13

Ni musohore imihoro, kukw iyimbura rigeze! Ni muze mugane, kuk’ ubgato bguzuye, kand’ amāto akaba abōgabōga; kukw ibibi vyabo ari vyinshi.