Hoseya 9:16 - Bibliya Yera 1951 1967 (Burundi)

¹⁶ Abefurayimu baciwe musi, imizi yabo irūmye, nta co bazokwama; mbere naho bovyara, nzotikiza uruvyaro bakunda rwo mu nda zabo.

Hoseya 9:16 Referans Kwoze

EZEKIYELI 24:21

riti Bgira ab’ inzu ya Isirayeli, ut’ Uku ni k’Umwami Uhoraho agize, ngo Ngira mpumanye ahantu hanje hēra, aho mwishimira yukw ari ho bubasha bganyu, mukahamizakw amaso, imitima yanyu ikahagirira igishika; kand’ abahungu banyu n’abakobga banyu mwasizeyo bazoririkwa n’ inkota.

Yesaya 5:24

Nuko rero, nk’ukw ibirimi vy’umuriro bitongora ibirararara, kandi nk’uk’ ubgatsi bgumye bunyikira mu muriro, ni kw igishitsi cabo kizoba nk’ikibore, n’amashurwe yabo azotumuka nk’umukungugu: kuko bāgaye ivyagezwe vy’Uhoraho Nyen’ ingabo, bagakēngēra ijambo ry’Uwera w’Abisirayeli.

Malaki 4:1

Ehe rāba, umusi uraje, waka nk’itanure; abībone bose n’inkozi z’ibibi zose bazoba ibishingwe; kand’ uwo musi ugira uze uzobatōngōra, ni k’Uhoraho Nyen’ ingabo agize, nta n’agashitsi cank’ agashami uzobasigarana.

Hoseya 8:7

Ko bābivye umuyaga bazokwimbura agashururu: nta n’agahundo bazoronka; ikizomera ntikizohunda impeke; n’icohunda, coyongobezwa n’abanyamahanga.

Hoseya 5:11

Efurayimu arahahajwe, avungavunzwe n’iteka aciriweko, kuko yahurumbiye inyuma y’ibinyoma.

Yesaya 40:24

Bābaye bagiteragirwa, bābaye bakibibga, igishitsi cabo cābaye kigishinga imizi hasi, irabahūha, barakabirana, agashururu kabazingazinga nk’ibishingwe.

Yobu 18:16

Imizi yiwe izokwumira hasi, N’ishami ryiwe rizokabiranira hejuru.

Itanguriro 41:23

maze mu nyuma zayo haca hamera iyindi mihuruhumbi ndwi ikabiranye y’ibihumbirane, yumishijwe n’umuyaga uvuye i burasirazuba:

Gusubira mu Vyagezwe 32:25

Hanze inkota izohēkūra, No mu nzu habe gucika ivutu, Yice imisore n’inkumi, N’abana bonka n’abatāma bameze imvi.