Hoseya 9:12 - Bibliya Yera 1951 1967 (Burundi)

¹² Naho borera abana babo, nzobabahēkūra, ntihaze hagire umuntu asigara: mbere bazobona ibara igihe nzoba mbataye!

Hoseya 9:12 Referans Kwoze

Hoseya 7:13

Bazobona ibara, kuko bāgiye bāngāra bakamvako! Bazotikizwa, kuko bāncumuyeko! Naho nagomba kubacungura, ariko bo bāhavuye bandemera ibinyoma!

Hoseya 9:16

Abefurayimu baciwe musi, imizi yabo irūmye, nta co bazokwama; mbere naho bovyara, nzotikiza uruvyaro bakunda rwo mu nda zabo.

Gusubira mu Vyagezwe 32:25

Hanze inkota izohēkūra, No mu nzu habe gucika ivutu, Yice imisore n’inkumi, N’abana bonka n’abatāma bameze imvi.

Gusubira mu Vyagezwe 31:17

Maz’ ico gihe uburake bganje buzobaziriringira, nanje ndabahebe, ndabahishe mu nyonga hanje, bamarwe n’ivyago vyinshi n’imibabaro bizobazako; bitume bavuga, bat’ Icateye ibi vyago kutuzako s’ukw Imana yacu itari muri twebge?

Hoseya 9:13

Abana ba Efurayimu, nk’uko nababonye, bagerewe kuba iminyago: mbere Efurayimu, ubgiwe azosokorora abana biwe abahe umwicanyi.

GUCURA INTIMBA 2:20

Uhoraho we, rāba witegereze uwo wagiriye ivyo! Mbeg’ abagore borya abo bāvyaye, utwana bākuyakuya mu maboko yabo? Mbeg’ umuherezi n’ūvugishwa n’Imana bokwicirwa ahantu hēra h’Umwami Imana?

Yeremiya 15:7

Nabagosoje urutaro ku marembo y’igihugu; nabakūyekw ibibondo, mponnya abantu banje: ariko ntibāhindukira ngo bave mu nzira zabo mbi.

Yobu 27:14

Abana biwe ni bagwira, bazogwirira inkota; N’uruvyaro rwiwe ntibazoronka ivyo kurya bibahāza.

2 Abami 17:23

gushitsa ah’ Uhoraho yabakūriye imbere yiwe, nk’uko yari yarabivugiye mu basavyi biwe bose yavugisha. Uko ni kw Abisirayeli bāmbukanywe, bakūrwa mu gihugu cabo bajanwa muri Ashuri, gushitsa na bugingo n’ubu.

2 Abami 17:18

Ni co catumye Uhoraho arakira cane Abisirayeli, akabirukana ngo bave imbere yiwe, ntihasigara n’umwe atar’ umuryango w’Abayuda gusa.

1 Samweli 16:14

Mpwemu w’Uhoraho amaze kuva kuri Sauli, impwemu mbi irungitswe n’Uhoraho yama igenda imufata bga gikange.

Abacamanza 4:16

Ariko Baraki yōma inyuma y’iyo mikogote n’izo ngabo, barinda bashika i Harosheti‐ha‐goyimu; ingabo za Sisera zose zishirira ku nkota, ntihasigara n’uwa kirazira.

Gusubira mu Vyagezwe 28:32

Abahungu banyu n’abakobga banyu bazonyagwa bahabge irindi hanga, amaso yanyu azokwama areretse, ahere mu nzira burinde bgira, kubgo kubakumbura, ata co mushobora gukora.

Guharūra 26:65

Kuk’ Uhoraho yari yaravuze ivyabo, ati Bazogwa mu bugaragwa nta kabuza. Ntihasigara n’umwe muri bo, atari Kalebu mwene Yefune, na Yosuwa mwene Nuni.

Yeremiya 6:8

Kunda wigishwe, Yerusalemu, umutima wanje woye guhubanwa nawe; noye kuzohava nguhindura amatongo, igihugu kitakirimw’ umuntu.

Malaki 2:12

Ūkora ben’ ivyo, Uhoraho azomurandura mu mahema ya Yakobo, ar’ umuteramyi, ar’ uwitaba, ar’ ūshikanira Uhoraho Nyen’ ingabo ishikanwa.

Guharūra 14:34

Uti Nk’ ukw imisi ingana mwamaze mutata ico gihugu, ukw ari mirongwine, umusi uzohwana n’umwaka; uti Muzoyimara mugiweko n’ibigabitanyo vyanyu, ukw iyo myaka ari mirongwine; uti Kandi muzomenya kugirirwa umwikomo na we ic’ ari co.

Gusubira mu Vyagezwe 28:18

Uruvyaro rwo mu nda zanyu ruzovumwa, bo n’imirima yo mu ndimiro zanyu, n’uruvyaro rw’inka zanyu n’urw’ imikuku yanyu.

GUCURA INTIMBA 2:22

Wampamagariye ibinteye ubgoba irya n’ino, nk’uko wahamagara ikoraniro ku musi mukuru washinzwe, Kandi nta warokotse canke ngw asigare kur’ uwo musi w’uburake bg’Uhoraho; Abo nakuyakuya nkabarera, umwansi wanje yarabampēkūye.