Hoseya 7:7 - Bibliya Yera 1951 1967 (Burundi)

⁷ Bose bashushe nk’ iziko, batsontsomera abacamanza babo; abami babo bose barahindikiranye; nta n’umwe muri bo antakambira.

Hoseya 7:7 Referans Kwoze

2 Abami 15:30

Hanyuma Hosheya mwene Ela agarariza Peka mwene Remaliya, amutsindaho aramwica, asubira ku ngoma yiwe; hāri mu mwaka ugira mirongwibiri Yotamu mwene Uziya ari ku ngoma.

2 Abami 15:25

Bukeye Peka mwene Remaliya, umugabisha wiwe, afatanya n’ Abanyegileyadi mirongwitanu, aramugarariza, amwicana na Arugobi na Ariyeha, abatsinda i Samariya mu munara wo mu rugo i bgami; nukw amaze kumwica asubira ku ngoma yiwe.

2 Abami 15:14

Maze Menahemu mwene Gadi ava i Tirusa, aradūga aja i Samariya, amutsindaho aramwica, asubira ku ngoma yiwe.

2 Abami 15:10

Maze Shalumu mwene Yabeshi aramugarariza, amugurukirakw imbere y’abantu, aramwica, asubira ku ngoma yiwe.

Hoseya 8:4

Biyimikiye abami ntabibageze; bitoranirije abaganwa nanje ntabizi: bikoreye ibigirwamana mu mafeza yabo no mu mazahabu yabo, bihamagarira guherengetezwa.

Hoseya 7:10

Ubgibone bg’Abisirayeli ni bgo bubāgiriza imbonankubone: yamara ntibararuha bangarukako, jewe Uhoraho Imana yabo, canke ngw ivyo vyose bitume bandondera.

Yesaya 64:7

Kandi nta n’umwe yambaza izina ryawe, nta wuruha yinanata ngo yimatanye nawe; kuko waduhishije mu nyonga hawe, ukaduhebera mu bigabitanyo vyacu.

Yesaya 43:22

Ariko rero, Yakobo we, ntiwanyambaje; Isirayeli we, waramparurutse.

Yesaya 9:13

Yamar’ abantu ntibāhindukiriye uwabakubise, kandi ntibārondeye Uhoraho Nyen’ ingabo.

Yobu 36:13

Kand’ abatubaha Imana mu mitima yabo bāmana umwikomo: Iyo ibaboshe ntibaruha bayitakambira.

Hoseya 7:14

Ntibantakambiye bivuye ku mutima, ariko baborogera ku mariri yabo: ikibakoraniriza hamwe n’indya na vino, ariko jeho barangarariza;

Hoseya 5:15

Nzogenda nisubirire i wanje, kugeza aho bazokwemerera igicumuro cabo, bakarondera mu nyonga hanje: babonye ivyago bazoca bandonderana umwete.

Daniyeli 9:13

Ivyo vyago vyose vyadushitseko nk’uko vyanditswe mu vyagezwe vya Mose; yamara nta ho twinginze Uhoraho Imana yacu ngw idutunge, canke ngo tureke n’ibigabitanyo vyacu, ngo tumenye ivy’ ukuri kwayo.

EZEKIYELI 22:30

Kandi narondeye umuntu muri bo yosana uruzitiro, agahagarara imbere yanje mu kirengero ahagarariye igihugu, ngo noye kugihonnya; ariko nta n’umwe nabonye.

2 Abami 10:14

Abarira abari kumwe na we, ati Ni mubafate. Barabafata, babatsinda ku rwobo rw’i Betekedi; bose na bose bar’ abantu mirongwine na babiri, ntiyasiga n’ uwa kirazira.

2 Abami 10:7

Nukw ico cete kibashikiriye, bafata abo bana b’umwami, babica ukw ari mirongwirindwi; imitwe yabo bayishira mu bisimbo, bayimurungikira i Yezireli.

2 Abami 9:33

Arababarira, ati Ni mumukororere hasi. Nuko bamukororera hasi; amaraso yiwe atarukira ku nzu no ku mafarasi; aca arayamusiribangisha.

2 Abami 9:24

Maze Yehu afora umuheto wiwe arawuheza, arasa Yoramu mu mwanya w’ibitugu, umwampi uca mu mutima; aca acurama aho nyene mu mukogote wiwe.

1 Abami 16:18

Maze Zimuri abonye ko batsinze igisagara, yitera mu munara wo mu rugo i bgami, yītuririramwo, arapfa,

1 Abami 16:22

Arikw abākurikiye Omuri banesha abākurikiye Tibuni mwene Ginati; nukw ivyo bizanira Tibuni urupfu, Omuri ahangama ku ngoma.

1 Abami 15:28

Mu mwaka ugira gatatu Asa umwami w’Abayuda ari ku ngoma ni ho ico gihe Bayasha yamwica; araheza yiyimika mu gishingo ciwe.

Hoseya 13:10

Mbeg’ umwami wawe ari hehe, ngw agukize mu bisagara vyawe vyose? N’abashingantahe bawe bari hehe, abo wasavye ngo baguhe umwami n’abaganwa?

Mika 2:1

Bazobona ibara, abīgerera ivyo kugabitanya, bakīgīra inama zo gukora ibibi bari ku mariri yabo; bgāca bakabikora, kuko bibashobokeye!

Zaburi 14:4

Mbeg’ inkozi z’ibibi zose nta bgenge zifise? Ko barya abantu banje nk’ uko barya umutsima, Kandi ntibambaza Uhoraho.

Yesaya 64:4

Kuk’ uhereye kera hose ata ho abantu bīgeze kwumva, canke ngo bibagwe mu matwi, canke ngo baboneshe amaso iyindi mana igira ico imarira abayīteze atari wewe.

Yesaya 64:6

Kuko twese twahindutse nk’ibihumane, kand’ ukugororoka kwacu kwose kumeze nk’impuzu yanduye; twese dukabiranye nk’ikibabi, kand’ ibigabitanyo vyacu bidukubeba nk’ umuyaga.