Hoseya 2:15 - Bibliya Yera 1951 1967 (Burundi)

¹⁵ Nzohamukomōrera imizabibu yiwe, ndamuhe ca kiyaya c’i Akori ngo kimubere irembo ry’ivyizigiro: na we azoharirimbira, nko mu gihe c’ubuto bgiwe, nko mu gihe yadūga, avuye mu gihugu ca Egiputa.

Hoseya 2:15 Referans Kwoze

EZEKIYELI 28:26

Bazohashinga ibande ata nkomanzi; mbere bazokwubaka amazu, batere n’inzabibu, bibere ngaho ata nkomanzi, igihe nzoba nshikije iteka nciriye ku babagirira nabi babakikije bose; maze bazomenya yuko jewe nd’ Uhoraho Imana yabo.

Yeremiya 2:2

riti Genda usemererere mu matwi y’ab’ i Yerusalemu, ut’ Uku ni k’Uhoraho agize, ati Nibuka urukundo rwo mu buto bgawe, n’ukuntu wannogera ukir’ umugeni; ukuntu wankurikiye mu bugaragwa, no mu gihugu kitigeze kubibgamw’ imbuto.

Hoseya 11:1

Isirayeli uhereye akir’ umwana naramukunda, maze mpamagara uwo mwana wanje ngw ave muri Egiputa.

Yosuwa 7:26

Baraheza bamurundakw ikirundo kinini c’ amabuye: kiracariho na bugingo n’ubu. Maz’ Uhoraho arigarura, uburake bgiwe bg’inkazi burahwama. Ni co catumye izina ry’ aho hantu hitwa Ikiyaya Akori na bugingo n’ubu.

Ivyakozwe 14:27

Bashitseyo bakoranya ishengero, babīgānira ivy’ Imana yakoranye na bo vyose, n’ingene yugururiye abanyamahanga urugi rwo kwizera.

Yohana 10:9

Ni jewe rembo, kand’ ūshika mu rugo wese aciye muri jewe arakizwa; agataha, agaturuka, akaronka icanya.

Amosi 9:14

Kandi nzogarukana abantu banje b’Abisirayeli bājanywe ar’ inyagano, bongere kwubaka ibisagara vyāsenyutse, babibemwo; bazotera imirima y’imizabibu, binywere vino yayo; bazorima indimiro bīrīre ivyeze muri zo.

EZEKIYELI 16:60

Yamara nzokwibuka isezerano nasezeranye nawe mu gihe c’ubuto bgawe, kandi nzogushirirah’ isezerano ry’ibihe bidashira.

EZEKIYELI 16:22

Mbega mur’ ivyo bizira vyawe vyose n’ubumaka bgawe, ntiwarushe wibuka imisi yo mu buyoya bgawe, igihe wari gusa ur’amēnya, ukumbagara mu bisanza vy’amaraso?

EZEKIYELI 16:8

Maze ndaguserukako, ndakwitegereza, mbona yuk’ ushitse mu gihe uteye igomwe; maze ngutērerak’ umwambaro wanje, nambika ubgambure bgawe; mbere narakurahiye, nsezerana nawe isezerano, ucika uwanje, ni k’ Umwami Uhoraho agize.

Yesaya 65:21

Bazokwubaka amazu bayīberemwo, kandi bazotera uruzabibu, bīrīre inzabibu zarwo.

Zekariya 9:12

Ni muhindukirire igihome gikomeye, mwa mbohe ziri n’ivyizigiro: no kur’ uyu musi ndababgira ukuri yuko nzobashumbusha ibihetangabo kabiri.

GUCURA INTIMBA 3:21

Ibi ni vyo nibuka, bikantera ivyizigiro:

Yeremiya 32:15

Kuk’ ukw ari k’ Uhoraho Nyen’ ingabo agize, ni we Mana y’Abisirayeli, at’ Amazu n’amatongo n’imirima y’imizabibu bizokwongera kugurwa mur’ iki gihugu.

Zaburi 106:12

Maze bizera amajambo yayo; Baririmba ishimwe ryayo.

Guharūra 21:17

Abisirayeli bagaca baririmba iyi ndirimbo, bati Dudubiza, wa Riba! Ni murivugirize impundu!

Hoseya 12:9

Ariko ni jewe Uhoraho Imana yawe, uhereye igihe waviriye mu gihugu ca Egiputa; nzokwongera gutuma usubira kuba mu mahema, nk’uko vyari bimeze mu misi mikuru yashinzwe.

Yesaya 65:10

Maz’ i Sharoni hazoba icanya c’intama, kand’ ikiyaya c’i Akori kizoba ivyagiro ry’ inka, n’uburuhukiro bg’abantu banje bandondeye.

Hoseya 2:12

Kandi nzoririka imizabibu yiwe n’imisukoni yiwe, ivyo yahora avuga, at’ Izi n’impēra zanje nahawe n’abūzure banje. Nukw ivyo ngira ndabihindure ishamba, vyōnwe n’ibikōko vyo mw ishamba.

Zaburi 129:1

Bāmbabaje kenshi, uhereye mu buto bganje, Abe ari kw Abisirayeli bavuga none:

Yeremiya 2:1

Ijambo ry’Uhoraho rinzako,

Yeremiya 3:4

Mbe ntiwoca uhēra ubu ukantakambira, uti Muvyeyi wanje, ni wewe wandōngōra mu buto bganje?

Yeremiya 29:11

Kuko nzi ivyiyumviro mbiyumvirako, ni jewe Uhoraho mbivuze, kw ar’ ivyiyumviro vy’amahoro, atar’ ivy’ ivyago, kugira ngo mbahe ivyizigiro vyo mw iherezo ryanyu.

EZEKIYELI 28:25

Uku ni k’Umwami Uhoraho agize, at’ Igihe nzoba mpejeje gukoranya ab’ inzu ya Isirayeli, mbakūye mu mahanga aho bāri barasābagiriye, nkiyerekana muri bo ko nd’ Uwera imbere y’abanyamahanga, ni ho bazoshinga ibande mu gihugu cabo, ico nahaye umusavyi wanje Yakobo.

Hoseya 12:13

Uhoraho yadūganye Abisirayeli abakūra muri Egiputa, abakūjey’ uwavugishwa na we, kand’ uwavugishwa na we ni we yabazigama.

Hoseya 13:4

Yamara ni jewe Uhoraho Imana yawe uhereye igihe waviriye mu gihugu ca Egiputa; nta yindi mana n’imwe mwari muzi atari jewe, kandi nta wundi Mukiza atari jewe.

Abacamanza 8:34

Maze ntibaba bacibuka Uhoraho Imana yabo, yabakijije akabakūra mu maboko y’abansi babo bose bāri babakikije.

1 Abami 16:31

Kandi nk’ ah’ umengo vyamubereye ivyoroshe kugendera mu ngeso za Yerobowamu mwene Nebati, agerekako yābīra Yezebeli umukobga wa Etibayali umwami w’Abasidoni, aragenda asaba Bayali, aba ari yo asenga;