Hoseya 14:6 - Bibliya Yera 1951 1967 (Burundi)

⁶ Amashami yiwe azogasara, ubgiza bgiwe buse n’igiti c’umwelayo, n’ugutāmirana kwiwe kumere nk’ibiti vy’i Lebanoni.

Hoseya 14:6 Referans Kwoze

Zaburi 52:8

Ariko jeho mmeze nk’igiti ca elayo kiremvye co mu rugo rw’Imana: Nizigira imbabazi z’Imana kugeza ibihe bitazoshira.

Filipi 4:18

Ariko mfise ibinkwiye vyose, mfise umurengera: ndahāze, kuko mpāwe na Epafurodito ivyo mwarungitse, ar’ umubabge umota neza, ikimazi cemewe gihimbara Imana.

Yohana 15:1

Jewe nd’umuzabibu w’ukuri, kandi Data ni nyene wo.

Matayo 13:31

Abacira uwundi mugani, at’ Ubgami bgo mw ijuru busa n’akabuto ka sinapi, umuntu yābiriye akagatera mu ndimiro yiwe.

Yeremiya 11:16

Jewe Uhoraho nari nakwise igiti ca elayo kiremvye giteye igomwe, kirikw imyelayo myiza: noneho naragituriye, har’ urwamo rw’ akarūru kenshi, kand’ amashami yaco arahimbaguritse.

Zaburi 128:3

Umugore wawe azoba nk’ umuzabibu wama cane, ari haruguru mu nzu yawe; Abana bawe bazoba nk’utugemwe twa elayo, bakikije ameza yawe.

Itanguriro 27:27

Aramwegera, aramugūmbīra: yumva ubutāmirane bg’imyambaro yiwe, aramuhezagira, at’ Ubutāmirane bg’umwana wanje Bumeze nk’ubg’ umurima Uhoraho yahaye umugisha:

Zaburi 92:12

Umugororotsi azototahara nk’ ikigazi, Azoshirwa hejuru nk’igiti c’ isederi c’i Lebanoni.

Yesaya 27:6

Mu misi izoza Yakobo azoshinga imizi, Isirayeli apfundike, ashurike: azokwama, yuzuze isi yose.

Yesaya 35:2

Buzoshurika amashurwe menshi, buhimbaranwe umunezero n’indirimbo; buzohabga ubgiza bg’i Lebanoni, n’ugushaza kw’i Karumeli n’i Sharoni: bazobona ubgiza bg’Uhoraho, ugushaza kw’ Imana yacu.

Yesaya 66:14

Muzobibona, kand’ imitima yanyu izonezerwa, n’amagufa yanyu azototahara nk’ubgatsi bubisi, kand’ ukuboko kw’ Uhoraho kuzomenyekana mu basavyi biwe, kand’ azorakira abansi biwe.

Hoseya 6:3

Enda tumenye Uhoraho, tugire umwete wo kumumenya; nk’uk’ umutwenzi ata cowubuza kuza, ni ko na we azoza: azotuzako nk’imvura, nk’ imvura y’umutasuro inyosheje hasi.