Hoseya 13:13 - Bibliya Yera 1951 1967 (Burundi)

¹³ Azofatwa n’ibise nk’ivy’ umugore aramutswe: n’umwana w’imburabgenge; kukw igihe co kuvuka kigeze, ntava mu menshi ngw avuke.

Hoseya 13:13 Referans Kwoze

Yesaya 37:3

Baramubgira, bati Hezekiya aradutumye, ng’ Uyu musi n’umusi w’umubabaro n’ibihano n’ugushinyagurirwa, ngo Kukw abana bagomba kuvuka, kandi nta nkomezi zo kubavyara.

Yesaya 13:8

Bazokwiheba; umubabaro n’uburibge bibafate; bazobabara nk’umugore ari ku nda; bazorābana bumirwe; kandi mu maso habo hazohindurira nk’umuriro.

Yesaya 26:17

Nk’uk’ umugore akuriwe amera, iy’ igihe ciwe co kuvyara gishitse, aribga agatakishwa n’ibise vyiwe, uko ni ko twari tumeze imbere yawe, Uhoraho.

Zaburi 48:6

Agatengo kabafatirayo, N’uburibge, nk’ibise vy’umugore aramutswe.

2 Abami 19:3

Baramubgira, bati Hezekiya aradutumye, ng’ Uyu musi n’ umusi w’umubabaro n’ibihano n’ ugushinyagurirwa, ngo Kukw abana bagomba kuvuka, kandi nta nkomezi zo kubavyara.

1 Tesalonike 5:3

Aho bazoba bavuga, bati Har’ amahoro, nta nkomanzi; ni ho uguhona kuzobazako giturumbuka, nk’ukw ibise biza ku mugore akuriwe, kandi ntibazokwikiza na gatoya.

Imigani 22:3

Umunyamakenga iy’ abonye ikibi kije, arīkinga, Arikw imburabgenge zikomeza inzira zikīgabura.

2 Korinto 6:2

kuko yavuze, iti Mu gihe co kwemererwamwo ndakwumvise, No ku musi wo gukirizwako ndagutabaye. Ehe none n’igihe co kwemererwamwo, ehe none n’umusi wo gukirizwako.

Ivyakozwe 24:25

Akirikw aravuga ivy’ ukugororoka n’ivy’ ukwirinda n’ivy’ amateka azocibga, Feliki aranduka umutima, aramubarira, at’ Ubu ni wīgīre, ni naronka uburyo bgiza nzogutumako.

Yeremiya 49:24

I Damasiko haradendebukiwe, harakimiranye ngo hiruke, hafashwe n’agatengo: uburibge n’ umubabaro vyahafashe nk’umugore aramutswe.

Yeremiya 30:6

Banza mubaze, murābe ko hogira umugabo aja ku nda ngw avyare: none n’iki gitumye mbona umugabo wese yifashe ku mafyinga nk’umugore aramutswe, mu maso ha bose hagahindurira?

Yeremiya 22:23

Ewe uba kuri Lebanoni, ukārika icāri cawe mu masederi, es’ ukuntu uzoba uteye akagongwe igihe ibise bizoba bigufashe, nk’umubabaro w’umugore aramutswe!

Yeremiya 13:21

Abo wironkeyekw abagenzi ni yabashira hejuru yawe ngo bakuganze, uzovuga iki, kand’ ari wewe wabiyigishirije? Mbeg’ umubabaro ntuzogufata nk’uw’ umugore ari ku nda?

Yeremiya 4:31

Kuko numvise ijwi nk’iry’ umugore aramutswe, ubusinzikare bg’ūrikw aravyara umwana w’uburiza, ijwi ry’umukobga w’i Siyoni ahuzagizwa, ata amaboko, at’ Ewe jewe ndagowe! Umutima wanje ugwiriye igihumura imbere y’abicanyi.

Yesaya 66:9

Mbega notuma baramukwa, sintume bavyara? ni k’Uhoraho abaza; kw ari jewe ntuma bavyara, nobaboheramw’ inda? ni kw Imana yawe ibaza.

Yesaya 21:3

Ni co gitumye ikiyunguyungu canje cuzuye uburibge, ngafatwa n’ibise nk’ibise vy’umugore ari ku nda; ndaribga bituma ntashobora kwumva, ubgihebe bg’ubgoba butumye ntashobora kubona.

Yohana 16:21

Umugore iy’ aramutswe, aja mu mubabaro, kukw igihe ciwe kigeze, arikw iy’ umwana amaze kuvuka ntaba acibuka kugorwa kwiwe, kukw anezerejwe n’uk’ umuntu avutse mw isi.

Gusubira mu Vyagezwe 32:6

Mbeg’ iyo ni yo ngero mushubije Uhoraho, Mwa bantu b’ibipfu b’imburabgenge? Si we Muvyeyi wanyu yabaremye, Akababumba, akabakomeza?

Hoseya 5:4

Ibikorwa vyabo ntibizobakundira kugaruka ku Mana yabo: kukw impwemu y’ubumaka iri muri bo, kandi ntibazi Uhoraho.

Yohana 5:4

Kuko rimwe‐rimwe umumarayika yamanuka aja muri kino kidengeri, akazīkurura amazi. Maz’ uwītangiye gutambukiramwo, amazi azīkurutse, ni we yakira indwara yamufashe iy’ ari yo yose.]