Hoseya 11:3 - Bibliya Yera 1951 1967 (Burundi)

³ Ariko ni jewe nigishije Abefurayimu gutambuka; nabashize mu kwāha; ariko ntibamenye kw ari jewe nabakijije.

Hoseya 11:3 Referans Kwoze

Yeremiya 30:17

Ariko nzosubira kugukomeza, nzogukiza ibikomere vyawe, ni jewe Uhoraho mbivuze; kuko bakwise uwirukanywe, bati Ni Siyoni, hatagifise ūkihababara.

Gusubira mu Vyagezwe 1:31

no mu bugaragwa, aho Uhoraho Imana yanyu yagenda abaterura nk’ uko mubizi, nk’uk’ umugabo aterura umwana wiwe, mu rugendo mwagenze rwose, nti Gushitsa aho mwashikiye aha hantu.

Kuvayo 15:26

Arababarira, ati Ni mwagira umwete wo kwumvira Uhoraho Imana yanyu, mugakora ibitunganye mu nyonga ziwe mukumvira ivyagezwe vyiwe, mukitondera ivyo yihanikirije vyose, ngo Nta ndwara azobateza nk’ izo yateje Abanyegiputa; ngo Kukw ari we Uhoraho, abakiza indwara.

Hoseya 7:15

naho namenyereje amaboko yabo nkayakomeza, ariko bangīra inama z’ibibi.

Ivyakozwe 13:18

Yihanganira ingeso zabo nk’imyaka mirongwine mu bugaragwa.

Hoseya 14:4

Nzoharira ugusubira inyuma kwabo, nzobakunda urukundo rutagira akagero: kuk’ uburake bganje busubiye inyuma bubavuyeko.

Hoseya 7:1

Igihe nagomba gukiza Abisirayeli, haciye haseruka ibigabitanyo vy’Abefurayimu, bo n’ivyaha vy’i Samariya; kuko bakora ivy’ ibinyoma: abasuma barāra baramena amazu, igitero c’abambuzi kikamburira hanze.

Hoseya 2:8

Erega ntiyamenye kw ari jewe namuha za ngano na vino n’amavuta, nkamusenyurirakw ifeza n’izahabu, ivyo bākoreshereje Bayali.

Yesaya 63:9

Yababaranye na bo mu mibabaro yabo yose, kand’ umumarayika yama ahagaze mu nyonga ziwe yarabakiza: urukundo rwiwe n’ikigongwe ciwe ni vyo vyamuteye kubacungura; yarabaterura akabaheka imisi yose ya kera.

Yesaya 46:3

Ni munyumve, yemwe ab’ inzu ya Yakobo, mwa masigarira yo mu nzu ya Isirayeli mwese, abo nateruye uhereye mukivuka, nkabaheka mukiva mu nda;

Yesaya 30:26

Kand’ umuco w’ukwezi uzomera nk’uw’ izuba, kand’ umuco w’izuba uzokwongerekanywa ibihetangabo ndwi, ungane n’umuco wo mu misi ndwi, ku musi Uhoraho azopfuka ibikomere vy’abantu biwe, akavūra n’inguma yabakubise.

Kuvayo 23:25

Ariko jewe Uhoraho Imana yanyu abe ari jewe musaba, nanje nzohezagira ivyo kurya vyanyu n’amazi yanyu, kandi nzokūra indwara muri mwebge.

Yeremiya 8:22

Mbeg’ i Gileyadi ntihariy’ umuti wo gusomōra? Nta muvūzi abayo? None n’iki cabujije uruguma rwa wa mukobga ari bo bgoko bgacu ko rukira?

Yesaya 1:2

Ni mwumve, mwa majuru, tega amatwi, wa si we, kuk’ Uhoraho abivuze: ati Narakujije abana, ndabarera, maze barampinduka.

Gusubira mu Vyagezwe 8:2

Kandi muze mwibuke urugendo rwose rwo mu bugaragwa Uhoraho Imana yanyu yabarōngōyemw’ iyi myaka ukw ari mirongwine; kugira ngw abacishe bugufi, abagerageze, amenye ibiri mu mitima yanyu, yuko muzokwitondera ivyagezwe vyiwe canke ko mutazovyitondera.

Kuvayo 19:4

uti Mwarabonye ivyo yakoreye Abanyegiputa, n’ingene mweho yabateruye ku mababa nk’ay’ inkukuma akabazana iy’ ari.

Zaburi 107:20

Arungika ijambo ryiwe, akabakiza indwara, Akabakiza kuja mu vyobo vyabo.

Gusubira mu Vyagezwe 33:27

Imana ihoraho ni yo buhungiro bgawe, Kand’ amaboko y’ibihe vyose yama akuramira. Yirukanye abansi imbere yawe, Iravuga, iti Genda urandure!