Hoseya 11:2 - Bibliya Yera 1951 1967 (Burundi)

² Arik’ ukw abo navugisha bāshishikara kubahamagara, ni ko bārushiriza kubaja kure, bagatanga ibimazi kuri Bayali, bakosereza imibavu ibishushanyo bibājwe.

Hoseya 11:2 Referans Kwoze

Hoseya 2:13

Nzomuhōra imisi yamaze yosereza za Bayali imibavu, yisakaye impeta n’utugenegene, agakurikira abūzure biwe, nanje jeho akanyibagira, ni k’Uhoraho agize.

Yeremiya 18:15

Yamar’ abantu banje baranyibagiye, boshereje imibavu ibitagira ikimazi; vyatumye batsitara mu nzira zabo, ni zo nzira za kera, ngo bajane inzira zikikamye, inzira zitanoze,

Yesaya 65:7

Ibigabitanyo vyanyu ubganyu, ni k’ Uhoraho agize, nzobibasubirizakw icarimwe n’ibigabitanyo vya ba sogokuruza banyu, bosereza imibavu ku misozi, bakantukira ku turambi: ni co gituma nzobasubiriza mu nkōko ibikwiranye n’ ibikorwa vyabo.

Hoseya 11:7

Abantu banje bamogoreye gusubira inyuma ngo bamveko; naho bobahamagarira kwerekeza amaso kw Īsumba vyose, ariko nta n’umwe yokwemera kuyishira hejuru.

Ivyakozwe 7:51

Yemwe abatagonda izosi, mwa ntakebga mu mitima no mu matwi, na ntaryo murwanya Mpwemu Yera. Uko ba sogokuruza banyu bākora, ni ko namwe mukora.

Yohana 3:19

Uku ni kwo gutsindwa, kuk’ umuco waje mw isi, arikw abantu bagakunda umwiza kuruta umuco, kukw ibikorwa vyabo ari bibi.

Luka 13:34

Ewe Yerusalemu, ewe Yerusalemu, wica abavugishwa n’Imana, ugatera amabuye abagutumweko! Ni kangahe nagomvye gukoranya abana bawe, nk’ukw inkoko ikoranya imiswi yayo iyibundikira mu vyubi vyayo, ntimwakunda.

Zekariya 7:11

Ariko banka kwumva, bantera ibitugu, bīziba amatwi ngo boye kwumva.

Yeremiya 35:13

rit’ Uku ni k’Uhoraho Nyen’ ingabo agize, ni we Mana y’Abisirayeli, ati Genda ubarire abagabo b’i Buyuda n’ababa i Yerusalemu, uti Mbega ntimworuha mwemera indero yanje ngo mwumvire amajambo yanje? ni jewe Uhoraho mbibajije.

Nehemiya 9:30

Wamaze imyaka myinshi ubihanganira, watumye Mpwemu wawe kubahanura, avugiye mu bavugishwa bawe, ariko banka kwumva; ni co catumye ubagabura mu maboko y’abanyamahanga bo mu bindi bihugu.

1 Abami 18:19

Nuko rero n’umpamagarize Abisirayeli bose, bakoranire ku musozi Karumeli, bo na ba kamenyi ba Bayali ukw ar’ amajana ane na mirongwitanu, na ba kamenyi ba Ashera barīra ku meza ya Yezebeli, ukw ar’ amajana ane.

1 Abami 12:33

Aradūga aja ku gicaniro yari yarubakishije i Beteli, hāri ku musi ugira icumi na gatanu w’ukwezi kw’umunani, ari kwo kwezi yitoranirije ubgiwe, agashinga uwo musi mukuru w’ Abisirayeli; nukw aradūga aja ku gicaniro, kugira ngw ahosereze imibavu.

Abacamanza 10:6

Maz’ Abisirayeli bongera gukora ivyo Uhoraho abona kw ari bibi, basaba za Bayali na za Ashitaroti, n’imana z’i Siriya n’iz’ i Sidoni n’iz’ i Mowabu n’iz’ Abamoni n’iz’ Abafilisitiya; bata Uhoraho, ntibaba bakimusaba.

Abacamanza 3:7

Maz’ Abisirayeli bakora ivyo Uhoraho abona kw ari bibi, bibagira Uhoraho Imana yabo, basaba za Bayali na za Ashera.

Abacamanza 2:13

Uko ni ko bātaye Uhoraho, bagasaba Bayali na Ashitaroti.

Zekariya 1:4

Mureke kuba nka ba sogokuruza banyu, abo navugisha kera bābabarira basemerera, bat’ Uku ni k’Uhoraho Nyen’ ingabo agize, at’ Enda ni muhindukire muve mu ngeso zanyu mbi no mu bikorwa vyanyu bibi; maze ntibumva, nanje ntibanyumvira, ni k’Uhoraho agize.

Hoseya 4:13

Bacumitira ibimazi ku mpinga z’imisozi, bakosereza imibavu ku turambi, musi y’ibiti vy’imyeloni n’ivy’ imilebeni n’ivy’ imyela, kuko bigira ibitūtu vyiza; ni co gituma abakobga banyu bīgira ba maraya, n’abakazana banyu bagasambana.

Yeremiya 44:5

Ariko na ho nyene ntibāvyumva, canke ngo batege ugutwi kwabo, ngo bahindukire bareke ibibi vyabo, ntibosereze imibavu izindi mana.

Hoseya 4:17

Efurayimu yifatanije n’ibigirwamana: n’umureke!