Filipi 4:14 - Bibliya Yera 1951 1967 (Burundi)

¹⁴ Ariko mwagize neza, kuko mwafatanije nanje amarushwa.

Bibiliya mu Kirundi coroshe

¹⁴ Mwagize neza kwifatanya nanje mu mibabaro ndimwo.

Filipi 4:14 Referans Kwoze

Abaheburayo 13:16

Kugira neza no kugira ubuntu ntimukavyibagire, kukw ibimazi bimeze birtyo ari vyo bihimbara Imana.

Filipi 1:7

Nanje birambereye kubiyumvirako ntyo mwese, kuko mbafise mu mutima, kuko mu ngoyi zanje, no mu gukiranira ubutumwa bgiza no kubucimbataza, mwese musangiye nanje ubuntu bg’Imana.

Abaheburayo 10:34

Kuko mwababaranye n’ababoshwe, kandi mwemeye munezerewe kunyagwa ivyo mutunze, mumenya yuko mufise itunga riruta ivyo kuba ryiza, rikamaho.

Galatiya 6:6

Arik’ uwigishwa ijambo ry’Imana ahe umwigisha mu vyiza vyose.

1 Abami 8:18

Arik’ Uhoraho abarira data Dawidi, ati Ko war’ ufise imigabo mu mutima wawe yo kwubakira izina ryanje ingoro, wagize neza kuvyiyumvira;

1 Timoteyo 6:18

kandi bakore iciza, babe abatunzi ku bikorwa vyiza, babe abanyabuntu bakunda gutanga,

Filipi 4:18

Ariko mfise ibinkwiye vyose, mfise umurengera: ndahāze, kuko mpāwe na Epafurodito ivyo mwarungitse, ar’ umubabge umota neza, ikimazi cemewe gihimbara Imana.

Matayo 25:21

Shebuja aramubgira, ati Wagize neza, muntu wanje mwiza wo kwizigirwa, wizigiwe kuri bike, nzoguha kugaba vyinshi. Injira mu munezero wa shobuja.

Abaroma 15:27

Vyarabahimbaye, kandi babafitiye umwenda: kuko namb’ abanyamahanga bāsangiye ivy’ impwemu vyabo, bafise umwenda wo kubafasha ku vy’umubiri.

2 Ivyo ku Ngoma 6:8

Arik’ Uhoraho abarira data Dawidi, ati Ko war’ ufise imigabo mu mutima wawe yo kwubakira izina ryanje ingoro, wagize neza kuvyiyumvira;

Ivyahishuwe 1:9

Jewe Yohana, mwene So, musangiye amarushwa n’ubgami n’ukwihangana biri muri Yesu, nari ku kizinga Patimo co mu kiyaga, bampōra ijambo ry’Imana no gushingira intahe Yesu.

Abaheburayo 10:33

kimwe, mwacitse akābarore mutukwa mubabazwa; ikindi, mwafatanije n’abagirirwa bartyo.