Filipi 2:25 - Bibliya Yera 1951 1967 (Burundi)

²⁵ Kandi mbonye yukw ar’ igikwiye kubatumako Epafurodito, mwene Data dufatanije igikorwa n’intambara, ari we ntumwa yanyu inkorera ivyo nkennye;

Bibiliya mu Kirundi coroshe

²⁵ Ariko, nabonye ko ari vyiza kurungika Epafurodite akagaruka iwanyu. Ni mwene Data vy’ukuri akorana nanje kandi agwanana nanje intambara. Mwamundungikiye nk’intumwa kugira ngo amfashe mu vyo nari nkeneye.

Filipi 2:25 Referans Kwoze

Filipi 4:18

Ariko mfise ibinkwiye vyose, mfise umurengera: ndahāze, kuko mpāwe na Epafurodito ivyo mwarungitse, ar’ umubabge umota neza, ikimazi cemewe gihimbara Imana.

Kolosayi 1:7

nk’uko mwigishijwe na Epafura uwo dukunda, umugurano mugenzi wacu, ni we mukozi wa Kristo wo kwizigirwa abagaburira ivya Kristo mu gishingo cacu,

Filipi 4:3

Kandi nawe, ndakwinginga, uwo dufatanije igikorwa vy’ukuri, wame ufasha abo bagore, kuko bārwananye nanje mu kurwanira ubutumwa bgiza, bo na Kilementi n’abandi bāfatanya nanje, amazina yabo yanditswe mu gitabo c’ubugingo.

1 Korinto 3:9

Kukw Imana ari yo dukorana, namwe mur’ indimiro y’Imana, mur’ inzu yubakwa n’Imana.

Filemoni 1:24

na Mariko, na Arisitariko, na Dema, na Luka, abo dusangiye igikorwa, baragutasha.

Imigani 25:13

Nk’ukw imbeho ya shelegi imera mu gihe c’iyimbura, Ni ko n’intumwa yizigirwa imerera abayitumye, Kukw ihēmbūra umutima wa ba shebuja.

Abaheburayo 3:1

Nuko rero, bene Data bera, abasangiye ihamagarwa riva mw ijuru, ni mwitegereze Yesu, intumwa n’umuherezi mukuru w’ivyo twizeye tukavyatura,

1 Tesalonike 3:2

dutuma Timoteyo, mwene Data, umukozi w’Imana agabura ubutumwa bgiza bga Kristo, ngw abakomeze abaremeshe ku vy’ ukwizera kwanyu,

Kolosayi 4:11

Na Yesu, ari we Yusito, arabatasha: abo bonyene bo mu bākebge ni bo bakorana nanje kubg’ ubgami bg’Imana, kandi bāmmaze umubabaro.

2 Korinto 2:13

nabuze uko nduhuka mu mutima wanje, kuko ntasanzeyo Tito mwene Data; nuko narabasezeye, nja i Makedoniya.

Yohana 17:18

Nk’uko wantumye mw isi, ni ko nanje nabatumye mw isi:

Yohana 13:16

N’ukuri, n’ukuri ndababgire: Umushumba ntaruta shebuja, kandi n’intumwa ntiruta uwayitumye.

Abaroma 16:3

Muntahirize Purisikila na Akwila abākoranye nanje muri Kristo Yesu,

Abaroma 16:9

Muntahirize Urubano, akorana natwe muri Kristo, na Sitaku, uwo nkunda.

Filipi 2:26

kukw abagirira igishika mwese, akarandurwa umutima n’uko mwumvise yuko yar’ arwaye.