Daniyeli 4:32 - Bibliya Yera 1951 1967 (Burundi)

³² Urirukanywe mu bantu, ubane n’ibikōko vyo mw ishamba; uzorisha nk’inka, kand’ ibihe ndwi bizogukūranirwako ukimeze urtyo; gushitsa ah’ uzomenyera kw Īsumba vyose ari yo iganza ubgami bg’abantu, ikabugabira uwo igomba wese.

Daniyeli 4:32 Referans Kwoze

Daniyeli 5:21

Nuko yirukanwa mu bantu, umutima wiwe uhindurwa nk’uw’ ibikōko, aba hamwe n’indogoba z’inyeshamba, arisha nk’inka, kand’ umubiri wiwe utondwako n’urume ruva mu kirēre; gushitsa aho yamenyeye kw Īsumba vyose ari yo iganza ubgami bg’abantu, ikabgimikamw’ uwo igomba wese.

Yeremiya 27:5

mut’ Uhoraho agize ngo Ni jewe naremye isi, n’abantu n’ibikōko biri kw isi, mbiremesha ubushobozi bganje bginshi n’ukuboko kwanje kurāmvuye; kand’ ivyo mbigabira uwo ngomba.

Yosuwa 4:24

kugira ngw amahanga yose yo mw isi amenye yuk’ ukuboko kw’Uhoraho gukomeye, batinye Uhoraho Imana yanyu ibihe vyose.

Kuvayo 9:29

Mose aramwishura, ati Ni namara kuva mu gisagara, ndayira amaboko Uhoraho, imituragaro ishire, n’urubura ntirwongere kugwa: kugira ng’umenye yukw isi ar’iy’ Uhoraho.

Kuvayo 8:10

Aramwishura, ati Hoba ejo. Na we aramubarira, ati Bizoba uk’ uvuze, kugira ng’ umenye yukw ata wuhwanye n’Uhoraho Imana yacu.

Yesaya 37:20

Nuko none, Uhoraho Mana yacu, udukize, udukūre mu maboko yiwe, kugira ngw ibihugu vy’abami bose bo mw isi bamenye kw ari wewe Uhoraho wenyene.

Kuvayo 9:14

Ut’ Ubu rero, agira agomore ivyago vyiwe vyose bitere umutima wawe, n’abanyarugo bawe, n’abantu bawe, kugira ng’ umenye yukw ata wuhwanye na we mw isi yose.

Yesaya 45:3

kandi nzoguha itunga rihishijwe mu mwiza, n’ubutunzi bunyegejwe mu mpisho, kugira ng’ umenye kw ari jewe Uhoraho nguhamagaye mw izina, jewe nyene Imana y’Abisirayeli.

2 Ivyo ku Ngoma 33:13

Maz’ ayisenze, iramwemerera, yumva ukwinginga kwiwe, imusubiza i Yerusalemu mu bgami bgiwe. Nuko Manase aca amenya yuk’ Uhoraho ari we Mana.

Daniyeli 2:21

ni yo ikūranya imyanya n’ibihe; ni yo ikūra abami ikimika abandi; ni yo iha abanyabgenge ubgenge, n’abakerebutse ikabaha kumenya;

Daniyeli 4:31

Iryo jambo umwami akirikūra mu kanwa, haza ijwi rivuye mw ijuru, riti Yewe mwami Nebukadineza, ni wewe ubarirwa; ubgami ubukūwemwo.

Yobu 9:12

Isūmira ico iteye: ni nde yoyikimiranya? Ni nde yoyibaza, at’ Ivyo ugira n’ibiki?

Yobu 42:2

ati Nzi yuk’ ushobora vyose, Kandi kw ata gishobora kubuza imigabo yawe.

Zaburi 115:3

Arikw Imana yacu iri mw ijuru, Yakoze ibiyihimbaye vyose.

Zaburi 135:6

Igihimbaye Uhoraho cose ni co akora, Mw ijuru no mw isi, mu kiyaga n’i bgina hose.

Yesaya 40:15

Ereg’ amahanga ameze nk’ ima ry’amazi riri mu mubindi, agereranywa n’umukungugu ufashe ku munzane; rāba aterura ibizinga vyo mu kiyaga nk’ah’ ar’ akantu gato k’ubusa.

Yesaya 40:17

Imbere yiwe amahanga yose ni nk’ubusa; kuri we agereranywa nk’ah’ ari hanyuma y’ubusa, nk’akarēre kagaragara.