Daniyeli 12:13 - Bibliya Yera 1951 1967 (Burundi)

¹³ Nuko ni wīgīre, urīndīre iherezo; kuk’ uzoruhuka, kand’ uzohagarara mu mugabane wawe, kw iherezo ry’iyo misi.

Daniyeli 12:13 Referans Kwoze

Ivyahishuwe 14:13

Numva ijwi rivuye mw ijuru rimbgira, rit’ Andika, ut’ Uhereye none hahirwa abapfa bapfira mu Mwami. Kandi Mpwemu aravuga, at’ Ego me, ngo baruhuke ubutame bgabo, kukw ibikorwa vyabo bijana na bo bibakurikiye.

2 Korinto 5:1

Turazi yukw inzu y’urusago yacu yo kw isi ni yaramuka isambuwe, dufise inyubako iva ku Mana, inzu itubatswe n’amaboko, itazoshira yo mw ijuru.

Zekariya 3:7

at’ Uku ni k’Uhoraho Nyen’ ingabo agize, ati Ni wagendera mu nzira zanje, ukitondera ivyo nakujeje, nawe uzogaba ivyo mu ngoro yanje, urinde n’urugo rwanje, kandi nzoguha ubgishikira hagati mur’ aba bahagaze hano.

Daniyeli 12:3

Kand’ abāgize ubgenge bazokayangana nk’ugukayangana kwo mw itāzānure ry’ijuru, n’abashikanye benshi ku bugororotsi bazokwaka nk’inyenyeri ibihe bitazoshira.

Matayo 19:28

Yesu arababgira, ati Ndababgira ukuri yuko mwebge abankurikiye, ah’ Umwana w’umuntu azovyagirira ku ntebe y’ubgiza bgiwe, igihe co kuvyarwa ukundi gusha, namwe muzokwicara ku ntebe cumi na zibiri, mucire imanza imiryango cumi n’ibiri y’Abisirayeli.

Luka 21:36

Mwame mugavye, musenge mu bihe vyose, kugira ngo muze mushobore guhunga ivyo vyose bigira bibeho, ngo muhagarare imbere y’Umwana w’umuntu.

Zaburi 16:5

Uhoraho ni we mugabane w’umwandu wanje n’uw’ igikombe canje, Ni wewe ukomeza umugabane wanje.

2 Tesalonike 1:7

no kwishura mwebge abayaterwa kuruhukana natwe, ah’ Umwami Yesu azohishurirwa, ava mw ijuru, azananye n’abamarayika b’ubushobozi bgiwe,

Zaburi 1:5

Ni co gituma ababi batazoshobora guhagarara ku musi w’amateka, Cank’ abanyavyaha mw ikoraniro ry’abagororotsi.

Daniyeli 12:4

Nuko rero wewe Daniyeli, gumiza ayo majambo muri ntibate, umatanishe ishashara igitabo cavyo udomemw’ ikimenyetso, gushitsa igihe c’iherezo; ni ho benshi bazoserangura muri co, kand’ ubgenge buzogwira.

Kuvayo 33:14

Aramwishura, at’ Ubganje nzokwijanira namwe, mbashikane amahoro.

Zaburi 16:9

Ni co gituma umutima wanje uhimbarwa, ubgiza bganje bukanezerwa, Kandi n’umubiri wanje uzoba ahatagira inkomanzi.